വിഴിഞ്ഞം: വിഴിഞ്ഞം ഇടവക വിദ്യാഭ്യാസ ശുശ്രൂഷ സമിതിയുടെ നേതൃത്വത്തിൽ ഫെബ്രുവരി 06 വെള്ളിയാഴ്ച സെന്റ് മേരിസ് ഹയർ സെക്കൻഡറി സ്കൂളിൽ പ്ലസ് വൺ, പ്ലസ് ടു ക്ലാസ്സുകളിളിലെ വിദ്യാർഥികൾക്കായി പരീക്ഷ മുന്നൊരുക്ക പരിശീലനം നടത്തി. അഡോളസെന്റ് & പാരെന്റ്സ് ബിഹേവിയർ തെറാപ്പിസ്റ്റും സൈക്കോളജിസ്റ്റും ആയ സിദ്ദിഖ് ക്ലാസ്സിന് നേതൃത്വം നൽകി. ലക്ഷ്യബോധത്തോടെയുള്ള പഠനം, സ്ക്രീൻ അഡിക്ഷൻ മറികടക്കാനുള്ള കുറുക്ക് വഴികൾ, പരീക്ഷ ടിപ്പുകൾ, പരീക്ഷയിൽ ഉന്നത വിജയം നേടാൻ സഹായിക്കുന്ന പഠന ക്രമീകരണം, മാനസിക സമ്മർദ്ദം ലഘൂകരിക്കാൻ ഉതകുന്ന കാര്യങ്ങൾ എന്നിവ ക്ലാസ്സിൽ പങ്കുവച്ചു. ക്ലാസിന്റെ അവസാന ഘട്ടത്തിൽ വിദ്യാർത്ഥികൾ അഭിപ്രായങ്ങൾ പങ്കുവച്ചു. പ്രസ്തുത ക്ലാസിൽ 128 വിദ്യാർത്ഥികൾക്കൊപ്പം അധ്യാപകർ, വിദ്യാഭ്യാസ ശുശ്രൂഷ സമിതി പ്രതിനിധികൾ, സിസ്റ്റർ ദിവ്യ, ഫെറോന ആനിമേറ്റർ മേരി ഫാത്തിമ എന്നിവർ സന്നിഹിതരായിരുന്നു. വിദ്യാഭ്യാസ ശുശ്രൂഷ സമിതി സെക്രട്ടറി ഷൈജാ ജോൺ സ്വാഗതവും പ്രിൻസിപ്പൽ സിറിൽ നന്ദിയും പറഞ്ഞു.
വിഴിഞ്ഞം ഇടവക വിദ്യാഭ്യാസ ശുശ്രൂഷ സമിതി പരീക്ഷ മുന്നൊരുക്ക പരിശീലനം നടത്തി
