പേട്ട: പേട്ട ഫൊറോന കെ.സി.വൈ.എം 2026 ജനുവരി 31 ശനിയാഴ്ച ശ്രീകാര്യം സെന്റ് ക്രിസ്റ്റഫർ ദേവാലയത്തിൽ സെനറ്റ് സംഘടിപ്പിച്ചു. ഫൊറോന വൈസ് പ്രസിഡന്റ് ജോഷ്നി ജെ. അനിൽ പതാക ഉയർത്തി യോഗത്തിന് തുടക്കം കുറിച്ചു. ഫൊറോന വികാരി ഫാ. റോഡ്രിഗ്സ് കുട്ടി സമ്മേളനം ഉദ്ഘാടനം ചെയ്തു. ഫൊറോന കെ.സി.വൈ.എം പ്രസിഡന്റ് സെബാസ്റ്റ്യൻ വർഗീസ് അധ്യക്ഷത വഹിച്ചു. ഫൊറോന ഡയറക്ടർ ഫാ. സിബിൻ ആമുഖ പ്രസംഗം നടത്തി. ഫൊറോന സെക്രട്ടറി ജിനോ എൻ.ജെ സ്വാഗതം അർപ്പിച്ചു. രൂപത കെ.സി.വൈ.എം ഡയറക്ടർ ഫാ. ഡാർവിൻ ആശംസകൾ അറിയിച്ചു. ഉത്സവ് 2K25 കലോത്സവ വിജയികൾക്ക് സമ്മാനങ്ങൾ വിതരണം ചെയ്തു. ഫൊറോന വൈസ് പ്രസിഡന്റ് ജോഷ്നി നന്ദിപ്രസംഗം നടത്തി.
തുടർന്ന് നടന്ന സെനറ്റ് സമ്മേളനത്തിൽ ഒൻപതോളം ഇടവകകൾ പങ്കെടുത്ത് പ്രവർത്തന റിപ്പോർട്ട് അവതരിപ്പിച്ചു. ഫൊറോന സമിതിയിടെ വാർഷിക പ്രവർത്തന റിപ്പോർട്ടും അതിനുമേലുള്ള ചർച്ചയും നടന്നു. ഫൊറോന കലോത്സവത്തിൽ പങ്കെടുത്ത എല്ലാ ഇടവകകൾക്കും ഫൊറോന സമിതി സമ്മാനം നൽകി. ക്രിസ്മസ് പുൽക്കൂട് മത്സരത്തിൽ ഒന്നാം സ്ഥാനം നേടിയ വികാസ് നഗർ ഇടവകയും രണ്ടാം സ്ഥാനം നേടിയ ശ്രീകാര്യം ഇടവകയും സമ്മാനം ഏറ്റുവാങ്ങി. സെനറ്റിൽ 60 ഓളം യുവജനങ്ങൾ പങ്കെടുക്കുകയുണ്ടായി. രൂപത കെ.സി.വൈ.എം ഡയറക്ടർ ഡാർവിനച്ചന്റെ നേതൃത്വത്തിൽ ഒഴിവുള്ള സ്ഥാനങ്ങളിലേക്കുള്ള തിരഞ്ഞെടുപ്പും നടന്നു. വനിത വൈസ് പ്രസിഡന്റ് ഗ്രീഷ്മയെ തിരഞ്ഞെടുത്തു.
