പേട്ട: പേട്ട ഫെറോന കുടുംബ ശുശ്രൂഷ സമിതി ‘കൗമാരത്തിന്റെ വെല്ലുവിളികൾ: മാതാപിതാക്കളുടെ വഴികാട്ടൽ’ എന്ന വിഷയത്തിന്മേൽ ബോധവൽക്കരണ സെമിനാർ സംഘടിപ്പിച്ചു. ജൂലൈ 12 ഞായറാഴ്ച്ച മൺവിള ലിറ്റിൽ ഫ്ലവർ പാരിഷ് ഹാളിൽ വച്ച് നടന്ന സെമിനാർ സെയിന്റ്. ജോസഫ് സ്കൂൾ വൈസ് പ്രിൻസിപ്പൽ ഷമ്മി ലാറൻസ് ഉദ്ഘാടനം ചെയ്ത് ക്ലാസ്സ് നയിച്ചു. ഫെറോന വൈദിക കോർഡിനേറ്റർ ഫാ. പ്രമോദ് അധ്യക്ഷത വഹിച്ചു. കൗമാരത്തിൽ കുട്ടികൾ നേരിടുന്ന വെല്ലുവിളികളും പരിഹാരമാർഗങ്ങളും ക്ലാസിൽ മാതാപിതാക്കൾക്ക് വിശദീകരിച്ചു. ഫെറോന ആനിമേറ്റർ ആഗ്നെസ്, ജെസ്സൽ, മൺവിള ഇടവക കൺവീനർ, ഇടവക അംഗങ്ങൾ ക്രമീകരണങ്ങൾക്ക് നേതൃത്വം നൽകി. മൺവിള പ്രതിനിധി ജെസ്സി നന്ദി പറഞ്ഞു. കുട്ടികളും മാതാപിതാക്കളുമായി അൻപതോളംപേർ സെമിനാറിൽ പങ്കെടുത്തു.
പേട്ട ഫെറോന കുടുംബ ശുശ്രൂഷ ബോധവൽക്കരണ സെമിനാർ സംഘടിപ്പിച്ചു
