പൂങ്കുളം: കോവളം ഫെറോന വിദ്യാഭ്യാസ ശുശ്രൂഷ സമിതിയുടെ ആഭിമുഖ്യത്തിൽ പൂങ്കുളം ഹോളി സ്പിരിറ്റ് സ്കൂളിൽവച്ച് SSLC, പ്ലസ് വൺ, പ്ലസ് ടു ക്ലാസ്സിലെ വിദ്യാർത്ഥികൾക്കായി കരിയർ ഗൈഡൻസ് ക്ലാസ് സംഘടിപ്പിച്ചു. ഏപ്രിൽ 10 ഞായാറാഴ്ച നടന്ന ക്ലാസിന് പൊതുവിദ്യാഭ്യാസ വകുപ്പ് മുൻ ഡെപ്യൂട്ടി ഡയറക്ടർ ലവകുമാർ, EINS ലേണിംഗ് അക്കാദമി പ്രതിനിധി പ്രശാന്ത് എന്നിവർ ക്ലാസുകൾക്ക് നേതൃത്വം നൽകി. ക്ലാസിൽ വിവിധ കോഴ്സുകൾ, തൊഴിലഭിരുചിക്കനുസരിച്ച് തിരഞ്ഞെടുക്കേണ്ട കോഴ്സികളും പ്രവേശന പരീക്ഷകളും, വിവിധ വിദ്യാഭ്യാസ സ്ഥാപനങ്ങളും അതിലെ കോഴ്സുകളും എന്നിവ വിവരിച്ചു. ഫെറോനാ വിദ്യാഭ്യാസ ശുശ്രൂഷ സമിതി കോഡിനേറ്റർ ഫാ. അജിത് ആന്റണി കുട്ടികളുമായി സംവദിച്ചു. ഫെറോന ആനിമേറ്റർ മേരി ഫാത്തിമ സ്വാഗതവും ക്ലാസിൽ പങ്കെടുത്ത വിദ്യാർത്ഥി മരിയ ജോസ് നന്ദിയും പറഞ്ഞു. വിദ്യാർത്ഥികൾ മാതാപിതാക്കൾ, വിദ്യാഭ്യാസ ശുശ്രൂഷ സമിതി പ്രതിനിധികൾ എന്നിവർ ക്ലാസിൽ പങ്കെടുത്തു.
കോവളം ഫെറോന വിദ്യാഭ്യാസ ശുശ്രൂഷ സമിതി വിദ്യാർത്ഥികൾക്കായി കരിയർ ഗൈഡൻസ് ക്ലാസ് സംഘടിപ്പിച്ചു
