വലിയതുറ: വലിയതുറ ഫൊറോന അൽമായ ശുശ്രൂഷയുടെ നേതൃത്വത്തിൽ കൊമ്പ്രിയ സഭാംഗങ്ങളുടെ കൂടിവരവ് നടന്നു. കൊച്ചു തോപ്പ് ഫാത്തിമ മാതാ കമ്മ്യൂണിറ്റി ഹാളിൽ നടന്ന പരിപാടി കൊച്ചുതോപ്പ് ഇടവക വികാരി ഫാ. ബിജിൻ ഉദ്ഘാടനം ചെയ്തു. ഫൊറോന കോർഡിനേറ്റർ ഫാ. ടോണി ഹാംലറ്റ് അധ്യക്ഷത വഹിച്ചു. കൊമ്പ്രിയ സഭയുടെ പ്രാധാന്യത്തെ കുറിച്ചും സഭാംഗമായിരിക്കുമ്പോൾ ചെയ്യേണ്ട നന്മകളെ കുറിച്ചും ഫാ. ടോണി ഹാംലറ്റ് വിശദീകരിച്ചു. അൽമായ ശുശ്രുഷ ഇടവകതല കൺവിനർമാരും സെക്രട്ടറിമാരും പങ്കെടുത്ത പരിപാടിയിൽ എല്ലാ കൊമ്പ്രിയ സഭാംഗങ്ങളെയും ആദരിച്ചു. ഫൊറോന ആനിമേറ്റർ സ്വാഗതവും സെക്രട്ടറി കൃതജ്ഞതയും രേഖപ്പെടുത്തി.
വലിയതുറ ഫൊറോനയിൽ കൊമ്പ്രിയ സഭാംഗങ്ങളുടെ കൂടിവരവ് നടന്നു
