വലിയതുറ: വലിയതുറ ഫൊറോനയുടെ നേതൃത്വത്തിൽ ഗ്രാമസഭ യോഗങ്ങളിൽ ജനങ്ങളുടെ പങ്കാളിത്തം ഉറപ്പാക്കുക എന്ന ലക്ഷ്യത്തോടെ ഫെറോന സാമൂഹ്യ ശുശ്രൂഷ സമിതിയുടെ നേതൃത്വത്തിൽ ബോധവൽക്കരണ ക്ലാസ് സംഘടിപ്പിച്ചു. കണ്ണാന്തുറ ഇടവക കമ്മ്യൂണിറ്റി ഹാളിൽ വച്ച് വാർഡ് കമ്മിറ്റി, പദ്ധതി ആസൂത്രണം, സാമൂഹിക രാഷ്ട്രീയ മേഖലകളിൽ വനിതകളുടെ പങ്കാളിത്തം എന്നീ വിഷയങ്ങളിന്മേലാണ്‌ ക്ലാസ് സംഘടിപ്പിച്ചത്. നീതി സമാധാന വികസന കമ്മീഷൻ പ്രതിനിധി ലിൻഡയുടെ അധ്യക്ഷതയിൽ നടന്ന പരിപാടിയിൽ KILA റിസോഴ്സ് പേഴ്സൺ ഗീത ക്ലാസ് നയിച്ചു. പങ്കെടുത്തവരിൽ നിന്നുള്ള സംശയനിവാരണം നടത്തി നാല് വാർഡുകളിൽ നിന്നും 12 പ്രതിനിധികളെ തിരഞ്ഞെടുത്തു. തിരഞ്ഞെടുത്ത പ്രതിനിധികൾക്ക് അവരുടെ ഉത്തരവാദിത്വങ്ങളെക്കുറിച്ച് റിസോഴ്സ് പേഴ്സൺ വ്യക്തത നൽകുകയും ചെയ്തു.
‘പങ്കാളിത്തവും സുസ്ഥിരവികസനവും’; വലിയതുറ ഫെറോന സാമൂഹ്യ ശുശ്രൂഷ ബോധവൽക്കരണ ക്ലാസ് സംഘടിപ്പിച്ചു
