വലിയതുറ: സംഘടിത മേഖലയിലെ തൊഴിലാളികളുടെ ശാക്തീകരണം ലക്ഷ്യമാക്കി സാമൂഹ്യ ശുശ്രൂഷയുടെ നേതൃത്വത്തിൽ വലിയതുറ ഫൊറോന തൊഴിൽകാര്യ കമ്മീഷൻ KLM യൂണിറ്റ് തൊഴിലാളി ദിനമാചരിച്ചു. വലിയതുറ ഇടവക കമ്മ്യൂണിറ്റി ഹാളിൽ വച്ചുനടന്ന ദിനാചരണ പരിപാടി ഫെറോന പ്രസിഡന്റ് സാംസൺ അധ്യക്ഷത വഹിച്ചു. അതിരൂപതാ സാമൂഹ്യ ശുശ്രൂഷ ഡയറക്ടർ ഫാ. ആഷ്ലിൻ ജോസ് ഉദ്ഘാടനം നിർവഹിച്ചു. ഫെറോന വികാരി ഫാ. സാബാസ് ഇഗ്നേഷ്യസ്, ഫെറോന കോഡിനേറ്റർ ഫാ. ബിജിൻ ബസിലി എന്നിവർ ആശംസകൾ അർപ്പിച്ചു. ഐക്യം 2K25 എന്നപേരിൽ നടന്ന പരിപാടിയിൽ വിവിധ തൊഴിൽ മേഖലകളിലുള്ള തൊഴിലാളികളെ ആദരിരിക്കുകയും, തയ്യൽ തൊഴിലാളി ഫോറം, മോട്ടോർ വാഹന തൊഴിലാളി ഫോറം അംഗങ്ങൾക്ക് അംഗത്വ കാർഡ് വിതരണം ചെയ്യുകയും ചെയ്തു. രൂപത തൊഴിൽ കാര്യ കമ്മീഷൻ കോഡിനേറ്റർ എബി ഫെറോന പ്രവർത്തനങ്ങളെ കുറിച്ചുള്ള വിലയിരുത്തൽ നടത്തി.
സാമൂഹ്യ ശുശ്രൂഷ വലിയതുറ ഫൊറോന KLM യൂണിറ്റ് തൊഴിലാളി ദിനമാചരിച്ചു
