കേരള സ്റ്റേറ്റ് ബോക്സിങ് സബ് ജൂനിയർ വിഭാഗത്തിൽ സ്വർണ്ണ നേട്ടവുമായി തിരുവനന്തപുരം ലത്തീൻ അതിരൂപത അംഗമായ മോണിക്ക നെൽസൺ. വെങ്ങാനൂർ മോഡൽ ഹയർ സെക്കന്ററി സ്കൂളിലെ ആറാം ക്ലാസ് വിദ്യാർഥിനിയാണ് മോണിക്ക. വിഴിഞ്ഞം ‘സീ ഫൈറ്റേഴ്‌സ്’ കോച്ചിങ് സെന്ററിലെ പ്രിയൻ റോമൻ സാറിന് കീഴിൽ രണ്ടര മാസത്തെ പരിശീലന പരിചയം മാത്രമുള്ള ഒരു കൊച്ചുമിടുക്കിയാണ് ഈ നേട്ടം കൈവരിച്ചതെന്ന് ഓർക്കുമ്പോൾ അത്ഭുതം തോന്നും.
മോണിക്കയുടെ നേട്ടത്തിന് കോവളം നിയോജകമണ്ഡലം എംഎൽഎ ശ്രീ. എം. വിൻസെന്റ് അനുമോദിച്ചു. ലത്തീൻ അതിരൂപതയിലെ കോവളം ഫൊറോനായിൽ വിഴിഞ്ഞം പരിശുദ്ധ സിന്ധുയാത്ര മാതാ ഇടവക അംഗങ്ങളായ ശ്രീ. നെൽസൺ – ശ്രീമതി. ബിന്ദു ദമ്പതികളുടെ രണ്ടു മക്കളിൽ ഇളയകുട്ടിയാണ് മോണിക്ക. ഡോറിയൻ ആണ് സഹോദരൻ.
