തിരുവനന്തപുരം അതിരൂപതയിലെ പൂന്തുറ ഇടവകയിൽ ജപമാല മാസത്തോടനുബന്ധിച്ച് ഇടവക യുവജനങ്ങളുടെ നേതൃത്വത്തിൽ ‘ഹഗിയ മരിയ’ എന്ന പേരിൽ മരിയൻ എക്സ്ബിക്ഷൻ സംഘടപ്പിച്ചു. വിവിധ സ്ഥലങ്ങളിൽ പ്രത്യക്ഷപ്പെട്ട മാതാവിനെ കുറിച്ചുള്ള ചെറു വിവരണങ്ങളാണ് എക്സ്ബിക്ഷൻറെ ശ്രദ്ധാകേന്ദ്രം.
പൂന്തുറ ഇടവക വികാരിയായ റെവ. ഫാ. എഡിസൺ വൈ. എമും, ഇടവക യുവജന ഡയറക്ടർ റെവ. ഫാ. ഡാർവിൻ ഫെർണണ്ടൻസും ചേർന്നാണ് എക്സ്ബിക്ഷനു ഉൽഘാടനം നിർവഹിച്ചത്. തുടർന്ന് മരിയൻ ക്വിസ്, മരിയൻ ഗീതം, കഥരചന, കവിതരചന, ചിത്രരചന, ഫെറോനതല ക്വിസ് തുടങ്ങിയ മത്സരങ്ങളും സംഘടിപ്പിച്ചു.
ഫെറോനതല ക്വിസ് മത്സരത്തിൽ പൂങ്കുളം, വിഴിഞ്ഞം, പാലപ്പൂർ ഇടവകകൾക്ക് സമ്മാനങ്ങളും വിതരണം ചെയ്തു. ഒന്നാം സമ്മാനം നേടിയത് പൂങ്കളം ഇടവകയാണ്. ഇടവക യുവജനങ്ങളുടെ നേതൃത്വത്തിൽ ആഘോഷകരമായ ദിവ്യബലിയോട് കൂടിയാണ് എക്സ്ബിക്ഷൻ അവസാനിച്ചത്.
