തിരുവനന്തപുരം: പുനരുപയോഗ ഊർജ്ജ, ആരോഗ്യ മേഖലകളിലെ തൊഴിൽ സാധ്യതകൾ വർദ്ധിച്ചിരിക്കുന്ന സാഹചര്യത്തിൽ കഴക്കൂട്ടം മരിയൻ എഞ്ചിനീയറിംഗ് കോളേജിലെ CCEK സബ് സെന്ററിൽ സോളാർ പിവി ഇൻസ്റ്റാളർ, വിൻഡ് ഫാം ടെക്നീഷ്യൻ, ജെറിയാട്രിക് ആൻഡ് പാലിയേറ്റീവ് കെയർ തുടങ്ങിയ നൈപുണ്യ വികസന പ്രോഗ്രാമുകളിലേക്കുള്ള പ്രവേശനം ആരംഭിച്ചു. പാലിയം ഇന്ത്യയുമായി സഹകരിച്ച് നടത്തുന്ന രണ്ട് മാസത്തെ ദൈർഘ്യമുള്ള ജെറിയാട്രിക് ആൻഡ് പാലിയേറ്റീവ് കെയർ പ്രോഗ്രാമിന് പ്ലസ് ടു യോഗ്യത ആവശ്യമാണ്. TÜV റൈൻലാൻഡുമായി സഹകരിച്ച് നടത്തുന്ന സോളാർ പിവി ഇൻസ്റ്റാളർ, വിൻഡ് ഫാം ടെക്നീഷ്യൻ കോഴ്സുകൾ ഐടിഐ, ഡിപ്ലോമ അല്ലെങ്കിൽ ബി.ടെക്/ഡിഗ്രി പഠിക്കുന്നവർക്ക് അപേക്ഷിക്കാം. ദേശീയ അംഗീകാരമുള്ള കേരള സംസ്ഥാന സർട്ടിഫൈഡ് കോഴ്സുകളാണിവ. പ്രായോഗിക പരിശീലനം, വ്യവസായ അംഗീകൃത സർട്ടിഫിക്കേഷൻ, പ്ലേസ്മെന്റ് സഹായം എന്നിവ വാഗ്ദാനം ചെയ്യുന്ന ഇവ ഇന്ത്യയിലും വിദേശത്തും ഉയർന്ന ഡിമാൻഡ് ഉള്ള മേഖലകളിൽ തൊഴിൽ അവസരങ്ങൾ ഉറപ്പാക്കുന്നു.
വിശദാംശങ്ങൾക്ക്, 9539077780, ഇമെയിൽ: cce@marian.ac.in
