ചൊവ്വര തിരുക്കുടുംബ ദേവാലയത്തിൽ മതബോധന ദിനവും മതബോധന അധ്യാപകരുടെ മധ്യസ്ഥൻ വിശുദ്ധ ചാൾസ് ബൊറോമിയുടെ തിരുനാളും ആഘോഷിച്ചു. ആഘോഷപരിപാടിയോടനുബന്ധിച്ച് ദിവ്യബലിയും എക്സിബിഷനും പൊതുസമ്മേളനവും കലാപരിപാടികളും നടന്നു.
മതബോധന വിദ്യാർഥികൾ അധ്യാപകർക്ക് പൂക്കൾ നൽ കി ആദരിച്ചു. ഇടവക വികാരി ഫാ. ജേക്കബ് മരിയ അധ്യാപർക്കും വിദ്യാർഥികൾക്കും പ്രതിജ്ഞചൊല്ലികൊടുത്തു. തുടർന്ന് നടന്ന എക്സിബിഷനിൽ ബൈബിൾ കേന്ദ്രീകൃതവും സഭാപരവുമായ അറിവ് പകർന്നുനല്കുന്ന വസ്തുക്കൾ പ്രദർശിപ്പിച്ചു. ഇതിനുപിന്നിൽ പ്രവർത്തിച്ച അധ്യാപകരെയും വിദ്യാർഥികളെയും പിന്തുണ നൽ കിയ മാതാപിതാക്കളെയും ഇടവക വികാരി പ്രശംസിച്ചു.
