പൂവാർ: പുല്ലുവിള ഫൊറോനയിലെ പൂവാർ ഇടവകയിൽ വിശുദ്ധ അന്തോനീസ് പുണ്യവാളന്റെ തിരുനാളിനോടനുബന്ധിച്ച് ഫെബ്രുവരി 9 വെള്ളിയാഴ്ച ബിസിസി ദിനാചരണം നടത്തി. ദിവ്യബലിക്ക് രൂപത ബിസിസി എക്സിക്യൂട്ടീവ് സെക്രട്ടറി ഫാദർ ഡാനിയൽ മുഖ്യ കാർമികത്വം വഹിച്ചു. ഫെറോന ബി സി സി കോഡിനേറ്റർ ഫാദർ വിനീത് പോൾ വചനപ്രഘോഷണം നടത്തിയ ദിവ്യബലിക്ക് ആവശ്യമായ ക്രമീകരണങ്ങൾ നടത്തിയത് ഇടവക ബിസിസി സിസ്റ്റർ ആനിമേറ്റർ, ബിസിസി കോഡിനേറ്റർ, സബ് കോഡിനേറ്റേഴ്സ് എന്നിവരായിരുന്നു.
ദിവ്യബലിക്ക് ശേഷം ഇടവക വികാരി ഫാ. അനീഷ് ഫെർണാണ്ടസിന്റെ അധ്യക്ഷതയിൽ അടിസ്ഥാന ക്രൈസ്തവ കുടുംബ കൂട്ടായ്മകളുടെ വാർഷിക ആഘോഷ സമ്മേളന പരിപാടി ഫാദർ വിനീത് പോൾ ഉദ്ഘാടനം ചെയ്തു. സബ് കോഡിനേറ്റർ ശ്രീമതി ലിമ സ്വാഗതം അർപ്പിച്ച വാർഷിക പരിപാടിയിൽ ബിസിസി സെക്രട്ടറി ആരോഗ്യമേരി റിപ്പോർട്ട് അവതരിപ്പിച്ചു. ഫൊറോന ബിസിസി ആനിമേറ്റർ ശ്രീമതി സുശീല ജോ, സിസ്റ്റർ ആനിമേറ്റർ സിസ്റ്റർ ലിസി എന്നിവർ ആശംസകൾ അർപ്പിച്ചു. രണ്ടു ദിവസമായി നടന്ന ബിസിസി വാർഷിക കലാപരിപാടികൾക്ക് ബിസിസി കോഡിനേറ്റർ ശ്രീ ക്ളീറ്റസ് നന്ദിയർപ്പിച്ചു.
