റിപ്പോർട്ടർ: രജിത വിൻസെന്റ്
തിരുവനന്തപുരം അതിരൂപതയ്ക്ക് അഭിമാനമായി കേരള സ്റ്റേറ്റ് ബോക്സിങ് ഫൈനലിൽ സ്വർണം നേടി ഡാനിയേൽ ജസ്റ്റിൻ. ആറ്റിങ്ങൽ ശ്രീപാദം ഇൻഡോർ സ്റ്റേഡിയത്തിൽ ഈ മാസം നടന്ന സ്പോർട്സ് മീറ്റിലാണ് ഡാനിയേൽ സുവർണനേട്ടം കൈവരിച്ചത്. സബ്- ജൂനിയർ വിഭാഗം 64 കിലോഗ്രാമിലായിരുന്നു ഡാനിയേൽ മത്സരിച്ചത്. വലിയതുറ ഫൊറോനയിലെ വലിയതോപ്പ് സെന്റ് ആൻസ് ഇടവകയിൽ ശ്രീ. ജസ്റ്റിൻ വിൻ – ശ്രീമതി. മേരി ബിന്ദു ദമ്പതിമാരുടെ രണ്ട് മക്കളിൽ ഇളയവനാണ് വെട്ടുകാട് സെന്റ് മേരീസ് ഹയർ സെക്കൻഡറി സ്കൂളിലെ ഒൻപതാം ക്ലാസ് വിദ്യാർഥിയായ ഡാനിയേൽ ജസ്റ്റിൻ. തിരുവനന്തപുരം മൂലയിൽ അത്‌ലറ്റിക് ക്ലബിൽ അംഗമായ ഡാനിയേൽ, അവിടത്തെ പരിശീലകനായ സന്തോഷിനു കീഴിലാണ് കഴിഞ്ഞ രണ്ട് വർഷമായി പരിശീലിക്കുന്നത്. 2021 സെപ്റ്റംബറിൽ നടന്ന ജില്ലാതല സബ്ജൂനിയർ വിഭാഗം 45 കിലോഗ്രാമിൽ സ്വർണം നേടിയതാണ് മറ്റൊരു നേട്ടം. സഹോദരി : ഗ്രീഷ്മ ജസ്റ്റിൻ (മൂന്നാം വർഷ ബി. ബി. എ വിദ്യാർത്ഥിനി).
