കോവളം സാഹിത്യവേദി ഏർപ്പെടുത്തിയ പ്രഥമ കവിത പിരസ്കാരം യുവ കവി ശ്രീ ഷൈജു അലക്സ് ഏറ്റുവാങ്ങി. സി. എൻ. സ്നേഹലത അദ്ധ്യക്ഷത വഹിച്ച യോഗത്തിൽ കാരക്കമണ്ഡപം വിജയകുമാറാണ് പുരസ്കാരം സമ്മാനിച്ചത്. ‘ഇവയെന്റെ നല്ല കവിതകളല്ല’ എന്ന പുസ്തകമാണ് അദ്ദേഹത്തെ പുരസ്കാരത്തിനു അർഹനാക്കിയത്.
തിരുവനന്തപുരം അതിരൂപതയിലെ കൊച്ചുതുറ സ്വദേശിയും, കവി, അദ്ധ്യാപകൻ, മിമിക്രി ആർട്ടിസ്റ്, മോട്ടിവേഷണൽ സ്പീക്കർ, യൂട്യൂബർ എന്നീ മേഖലകളിൽ ശ്രീ ഷൈജു അലക്സ് തൻ്റെതായ വ്യക്തിമുദ്രപ്പതിപ്പിച്ചിട്ടുണ്ട്. കടലോര ഭാഷ കവിത എന്ന ആശയം ആദ്യമായി അവതരിപ്പിച്ച ഇദ്ദേഹത്തിന്റെ കവിതകൾ ഇംഗ്ലീഷ്, ഹിന്ദി, തമിഴ്, റഷ്യൻ എന്നി ഭാഷകളിൽ വിവർത്തനം ചെയ്തിട്ടുണ്ട്.
വെള്ളയമ്പലം ജിയന്ന ഹാളിൽ വച്ചു നടന്ന പ്രസ്തുത യോഗത്തിൽ റെവ. ഫാ. ദീപക്, കാര്യവട്ടം ശ്രീകണ്ഠൻനായർ, മണികണ്ഠൻ മണയൂർ, വിർജിൻ എസ് തുടങ്ങിയവർ പങ്കെടുത്തു. പതിനായിരത്തി ഒരു രൂപയും ഫലകവും ആണ് പുരസ്കാരം.
