നിയുക്ത മെത്രാപ്പോലീത്ത മോൺ. തോമസ്. ജെ. നെറ്റോയുടെ മെത്രാഭിഷേക- ആഘോഷങ്ങളുടെ ഭാഗമായുള്ള മീഡിയ സെന്റർ ഉത്‌ഘാടനം നാളെ (ചൊവ്വാഴ്ച ) രാവിലെ 10:30 ന് നടക്കും. മെത്രാഭിഷേക – ആഘോഷ സമിതി ചെയർമാൻ അഭിവന്ദ്യ ക്രിസ്തുദാസ് പിതാവ് ഉത്‌ഘാടനം നിർവഹിക്കും . മീഡിയ സെന്റര് ജീവനും വെളിച്ചവും ഓഫീസിൽ ചൊവ്വാഴ്ച്ച മുതൽ പ്രവർത്തനം ആരംഭിക്കും. നിയുക്ത അതിരൂപത മെത്രാൻ തോമസ് ജെ നെറ്റോയുടെ മെത്രാഭിഷേകവുമായി ബന്ധപ്പെട്ട വാർത്തകളും വിശേഷങ്ങളും വിവിധ മാധ്യമങ്ങൾ വഴി ജനങ്ങളിൽ എത്തിക്കുക എന്നതാണ് മീഡിയ സെന്ററിൻറെ ലക്‌ഷ്യം. പ്രസ്‌തുത ചടങ്ങിൽ മെത്രാഭിഷേക – ആഘോഷ സമിതി ജനറൽ കൺവീനർ .മോൺ. സി . ജോസഫ്, മീഡിയ കമ്മിഷൻ ഡയറക്ടർ .ഫാ. ദീപക് ആന്റോ, മീഡിയ ആൻഡ് പബ്ളിസിറ്റി കമ്മിറ്റി അംഗങ്ങൾ തുടങ്ങിയവർ പങ്കെടുക്കും.
മെത്രാഭിഷേക-സ്ഥാനാരോഹണ ചടങ്ങുകൾ സംബന്ധിച്ച വാർത്തകൾക്കും സംശയങ്ങൾക്കും മീഡിയ സെൽ നമ്പർ ആയ +91 8921695221 ൽ ബന്ധപ്പെടുക.
