കുന്നുംപുറം: സാന്താസ് നൈറ്റ് നടത്തി പേട്ട ഫെറോനയിലെ കുന്നുംപുറം നിത്യസഹായ മാതാ ദൈവാലയം. സാമൂഹ്യ ശുശ്രൂഷ വയോജന ഫോറവും മദർ തെരേസ സഖ്യവും സംയുക്തമായി നടത്തിയ ‘സാന്താസ് നൈറ്റ്’ ക്രിസ്മസ് ആഘോഷം ഇടവക വികാരി ഫാ. ഷാജു വില്യം ഉത്ഘാടനം ചെയ്തു.
ഇതര മതസ്ഥരെ ഉൾപ്പെടുത്തിക്കൊണ്ട് നടത്തിയ സാന്താസ് നെറ്റിൽ സാമൂഹ്യ ശുശ്രൂഷ ആരോഗ്യകാര്യ കമ്മീഷൻ കോർഡിനേറ്റർ സിസ്റ്റർ. സ്വപ്ന, ഇടവക സാമൂഹ്യ ശുശ്രൂഷ സെക്രട്ടറി ശ്രീ. സെൽവരാജ്, ഇടവക സെക്രട്ടറി ശ്രീ ജോസ്, കോർഡിനേറ്റർ ഷൈനി ഷാജ്, വയോജന ഫോറം പ്രസിഡന്റ്‌ ശ്രീമതി മേഴ്‌സി ജോസ്, മദർ തെരേസ സഖ്യം പ്രസിഡന്റ്‌ ശ്രീമതി പുഷ്പ ഭായ് എന്നിവർ സന്നിഹിതരായിരുന്നു. സത്യത്തിന്റെയും സ്നേഹത്തിന്റെയും സമാധാനത്തിന്റെയും വരവ് അറിയിച്ചുകൊണ്ടുള്ള സാന്താസ് നൈറ്റ് കേക്ക് മുറിച്ചും, സമ്മാനങ്ങൾ കൈമാറിയും, വിവിധങ്ങളായ പരിപാടികളോടെ സമാപിച്ചു.
