പുതിയതുറ: കുട്ടികളുടെ വിദ്യാഭ്യാസത്തിലും ആത്മീയ വളർച്ചയിലും മാതാപിതാക്കൾക്കുള്ള പങ്ക്,ആധൂനിക കാലഘട്ടത്തിൽ കുട്ടികളുടെ സ്വഭാവ രൂപീകരണത്തിൽ മാതാപിതാക്കളുടെ കടമകൾ എന്നീ വിഷയങ്ങളിൽ മാതാപിതാക്കൾക്ക് പുതിയതുറ ഇടവക സെമിനാർ സംഘടിപ്പിച്ചു. നവംബർ 12-ന് നടന്ന സെമിനാറിൽ ക്ലാസ്സുകൾക്ക് പരുത്തിയൂർ ഇടവക വികാരി ഫാ. ഡേവിഡ്സൺ നേതൃത്വം നൽകി. ‘മക്കളുടെ വിദ്യാഭ്യാസ വളർച്ചയിൽ മാതാപിതാക്കളുടെ പങ്ക്’ എന്നതിന്മേൽ മാതാപിതാക്കളുടെ ഗ്രൂപ്പ് ചർച്ചയും അവതരണവും സെമിനാറിന്റെ ഭാഗമായി നടന്നു. പുതിയതുറ ഇടവക സഹവികാരി ഫാ. പ്രമോദ് സെമിനാർ ഉദ്ഘാടനം ചെയ്തു. വിദ്യാഭ്യാസ കൺവീനർ ഷീജ സ്വാഗതവും സെക്രട്ടറി ജോളി കൃതജ്ഞതയും പറഞ്ഞു.
മാതാപിതാക്കൾക്ക് പാരന്റിംഗ് സെമിനാർ നടത്തി പുതിയതുറ ഇടവക
