നെല്ലിയോട്: നവംബർ 10 ലോക പൊതുഗതാഗത ദിനത്തോട് അനുബന്ധിച്ച് KCYM നെല്ലിയോട് യൂണിറ്റിന്റെ നേതൃത്വത്തിൽ മിന്നൽ എന്ന പേരിൽ പാപ്പനംകോട് ഡിപ്പോയിൽ സർവീസ് നടത്തുന്ന തിരുവല്ലം – കരുമം റൂട്ടിലെ ബസ് ശുചീകരിച്ചു. നെല്ലിയോട് റൂട്ടിൽ പൊതുഗതാഗതത്തിനു ഉപയോഗിക്കുന്ന വാഹനത്തെ ആദരിക്കുന്നതിന്റെ ഭാഗമായാണ് ഈയൊരു പരിപാടി നടത്തിയത്.
നവംബർ 10 ഞായറാഴ്ച രാവിലെ 4 മണിക്ക് പാപ്പനംകോട് ഡിപ്പോയിൽ പതിനഞ്ചോളം യുവാക്കൾ അത്യാധുനിക സംവിധാനങ്ങളായ പ്രഷർ പമ്പ്, വാക്വം ക്ലീനർ ഉൾപ്പെടെയുള്ള യന്ത്രങ്ങളുടെ സഹായത്തോടെ കരുമം – തിരുവല്ലം ബസ് കഴുകി വൃത്തിയാക്കി. ഇടവക വികാരി ഫാദർ. വിജിൽ ജോർജ് പ്രവർത്തനങ്ങൾക്ക് നേതൃത്വം നല്കി.
