വെള്ളയമ്പലം: അൽമായ ശുശ്രൂഷ സമിതിയുടെ കീഴിൽ ഡി. സി .എം. എസിന്റെ നേതൃത്വത്തിൽ അതിരൂപത കൂടിവരവും നേതൃത്വ പരിശീലനവും നടത്തി. കൂടിവരവ് അതിരൂപതാ സഹായ മെത്രാൻ ഡോ. ക്രിസ്തുദാസ് ആർ ഉദ്ഘാടനം ചെയ്തു. സഭയുടെ നിലപാട് താഴെത്തട്ടിൽ ഉള്ളവരെ സംരക്ഷിക്കുക ണെന്ന് ഉദ്ഘാടന പ്രസംഗത്തിൽ അദ്ദേഹം പറഞ്ഞു. വിശ്വാസത്തിൻറെ പേരിൽ നീതി നിഷേധിക്കപ്പെട്ട സാഹചര്യങ്ങളെ പ്രതിരോധിച്ച് അവകാശങ്ങൾ നേടിയെടുക്കുവാൻ നമ്മൾ ദൈവത്തിൻറെ മക്കളാണ് എന്നുള്ള കാഴ്ചപ്പാടോടെ ഒരുമിക്കണെമെന്ന് അഭിവന്ദ്യ പിതാവ് ആഹ്വാനം ചെയ്തു.
അൽമായ ശുശ്രൂഷ ഡയറക്ടർ ഫാ.ബീഡ് മനോജ് അമാദോ അനുഗ്രഹ പ്രഭാഷണം നടത്തി. പ്രസിഡൻറ് ജോർജ് എസ്. പള്ളിത്തറയുടെ അധ്യക്ഷതയിൽ ചേർന്ന കൂടിവരവ് യോഗത്തിന് ഓർഗനൈസർ സുരേഷ് സ്വാഗതവും, സെക്രട്ടറി പൊന്നുമോൻ സെബാസ്റ്റ്യൻ റിപ്പോർട്ടും, അവതരിപ്പിച്ചു. വൈസ് പ്രസിഡൻറ് യോഹന്നാൻ ജോസഫ് ആശംസയും, ട്രഷറർ ഫ്രാൻസിസ് വൈ നന്ദിയും അർപ്പിച്ചു. തുടർന്ന് ദളിത് ക്രിസ്ത്യൻ അവകാശങ്ങളും സർക്കാർ ആനികൂല്യങ്ങളും എന്ന വിഷയത്തെക്കുറിച്ച് പരിവർത്തിത ക്രൈസ്തവ കോർപ്പറേഷൻ കൺസൾട്ടൻറ് ജറാൾഡ് മൗറീലിയസും, ദളിത് ക്രിസ്ത്യൻ ഐക്യപ്പെടലിന്റെ ആവശ്യകതയും ദളിത കത്തോലിക്കാ സംഘടനയുടെ പ്രസക്തിയും എന്ന വിഷയത്തെ ആസ്പദമാക്കി കോട്ടയം എം.ജി യൂണിവേഴ്സിറ്റി അസിസ്റ്റൻറ് പ്രൊഫ. ഡോ. ബിനോയിയും ക്ലാസ് എടുത്തു. അതിരൂപത വികാരി ജനറൽ മോൺ. യൂജിൻ എച്ച് . പെരേര സമാപന സന്ദേശം നൽകി. ആനിമേറ്റർ കമലം ഏവർക്കും കൃതജ്ഞത അർപ്പിച്ചു .
