പാളയം: സ്വർഗീയ ഭവനത്തിലേക്ക് വിളിക്കപ്പെട്ട ആഗോള കത്തോലിക്ക സഭയുടെ പരമാധ്യക്ഷൻ ഫ്രാൻസിസ് പാപ്പയെ അനുസ്മരിച്ച് തിരുവനന്തപുരം ലത്തീൻ അതിരൂപത കെ. സി. വൈ. എം. 2025 മെയ് 4 ഞായർ വൈകിട്ട് 4.30 ന് പാളയം രക്തസാക്ഷി മണ്ഡപത്തിൽ വച്ചുനടന്ന നടന്ന പരിപാടിയിൽ ഫ്രാൻസിസ് പാപ്പയുടെ ചിത്രത്തിന്‌ മുന്നിൽ പുഷ്പാർച്ച നടത്തി. ഇതിന്റെ ഉദ്ഘാടനം സംസ്ഥാന വൈസ് പ്രസിഡൻറ് അനൂപ് JR പാലിയോട് നിർവഹിച്ചു.
ഇതിനോടനുബന്ധിച്ച് പഹൽഗാം ഭീകരാക്രമണത്തിൽ കൊല്ലപ്പെട്ടവർക്കായുള്ള അനുശോചനവും നടന്നു. വർധിച്ചു വരുന്ന ഭീകരാക്രമണങ്ങൾക്കും ഹിംസയ്ക്കുമെതിരെ യുവജനങ്ങൾ സമാധാനത്തിനായി മെഴുകുതിരികൾ കത്തിച്ചു. കെ. സി. വൈ. എം. അതിരൂപത ഡയറക്ടർ ഫാ. ഡാർവിൻ ഫെർണാണ്ടസ്, പ്രസിഡന്റ് ജോൺ ബ്രിട്ടോ വാൾട്ടർ, വട്ടിയൂർക്കാവ് ഫെറോന ഡയറക്ടർ ഫാ. മനീഷ് പീറ്റർ, പാളയം കത്തീഡ്രൽ സഹവികാരി ഫാ. ഗോഡ്‌വിൻ സെബാസ്റ്റ്യൻ, അതിരൂപത ജനറൽ സെക്രട്ടറി രാജീവ് ആർ, സംസ്ഥാന സെക്രട്ടറി സനു സാജൻ പാടിയറയിൽ എന്നിവർ പങ്കെടുത്തു സംസാരിച്ചു.
