വട്ടിയൂർക്കാവ്: വട്ടിയൂർക്കാവ് ഫൊറോന വിദ്യാഭ്യാസ ശുശ്രൂഷാ സമിതിയുടെ നേതൃത്വത്തിൽ വിദ്യാർത്ഥി ഫോറം പരിശീലകർക്ക് പരിശീലന പരിപാടി (TOT) സംഘടിപ്പിച്ചു. ആഗസ്റ്റ് 15 വെള്ളിയാഴ്ച വട്ടിയൂർക്കാവ് ലിറ്റിൽ ഫ്ലവർ ചർച്ച് പാരിഷ് ഹാളിൽ വച്ചുനടന്ന പരിപാടി ഫൊറോന വിദ്യാഭ്യാസ ശുശ്രൂഷാ സമിതി കോർഡിനേറ്റർ ഫാ. രജീഷ് ഉദ്ഘാടനം ചെയ്തു. സെന്റ് ജോസഫ് സ്കൂൾ അധ്യാപിക ലിറ്റി ലൂയിസ് ടീച്ചർ ക്ലാസ്സുകൾക്ക് നേതൃത്വം നൽകി.
വിദ്യാർത്ഥി ഫോറത്തിന്റെ പ്രധാന ലക്ഷ്യങ്ങൾ, ഫോറത്തിന്റെ ഘടന, പ്രവർത്തന രീതി, കുട്ടികൾക്ക് താൽപ്പര്യമുള്ളതും അവരുടെ വളർച്ചക്ക് സഹായകമായതുമായ വിഷയങ്ങൾ എങ്ങനെ കണ്ടെത്താം, കുട്ടികളുമായുള്ള സംവാദന രീതി, പ്രവർത്തനങ്ങൾ ആസൂത്രണം ചെയ്യേണ്ടവിധം തുടങ്ങിയ വിഷയങ്ങൾ ക്ലാസ്സിൽ വിശദീകരിക്കപ്പെട്ടു.
