പള്ളം: പുല്ലുവിള ഫൊറോന മത്സ്യമേഖല ശുശ്രൂഷ മത്സ്യത്തൊഴിലാളി ദിനാഘോഷം സംഘടിപ്പിച്ചു. നവംബർ 15-ന് പള്ളം ഇടവകയിൽ നടന്ന ആഘോഷ പരിപാടി ഫൊറോന മത്സ്യമേഖല ശുശ്രൂഷ കോഡിനേറ്റർ ഫാ. ഷാബിൽ ചെയ്തു. അതിരൂപത സഹായമെത്രാൻ ബിഷപ് ക്രിസ്തുദാസ് അനുഗ്രഹ പ്രഭാഷണം നടത്തി. ഒരു മത്സ്യത്തൊഴിലാളിയുടെ മകൻ എന്നനിലയിൽ താൻ അഭിമാനം കൊള്ളുന്നതായി ബിഷപ് പറഞ്ഞു. കാലഘട്ടത്തിന്റെ മാറ്റങ്ങൾക്കനുസരിച്ച് മത്സ്യബന്ധന രീതികളിലും മത്സ്യകച്ചവട മേഖലകളിലും സാങ്കേതികമായി മുന്നേറി മത്സ്യബന്ധന, കച്ചവട മേഖലകൾ അഭിമാനകരമായ ഒരു തൊഴിൽ മേഖലയാക്കണെമെന്ന് അദ്ദേഹം പറഞ്ഞു. ഫൊറോന വികാരി ഫാ. ഡൈസൺ മുഖ്യപ്രഭാഷണം നടത്തി. രൂപത ഡയറക്ടർ ഫാ. ലൂസിയാൻ മത്സ്യത്തൊഴിലാളികളെയും മത്സ്യകച്ചവട സ്ത്രീകളെയും ആദരിച്ചു. കടൽ പ്രമേയമാക്കി നടന്ന മത്സരങ്ങളിൽ വിജയിച്ചവർക്ക് സമ്മാനങ്ങളും കിടപ്പ് രോഗികൾക്ക് സഹായവും വിതരണം ചെയ്തു. സമ്മേളനത്തിൽ TMF പ്രസിഡന്റ് വിനോജ് സ്വാഗതവും സിസ്റ്റർ സീന കൃതജ്ഞതയും പറഞ്ഞു.
പുല്ലുവിള ഫൊറോന മത്സ്യമേഖല ശുശ്രൂഷ മത്സ്യത്തൊഴിലാളി ദിനം ആഘോഷിച്ചു
