തൈക്കാട്: പാളയം ഫൊറോനയിൽ കുടുംബപ്രേഷിത ശുശ്രൂഷ സമിതിയുടെ നേതൃത്വത്തിൽ ‘നവോമി സംഗമം’ നടത്തി. ആഗ്സ്റ്റ് 31 ഞായറാഴ്ച തൈക്കാട് ഇടവകയിൽ വച്ചുനടന്ന സംഗമം ഫൊറോന വികാരി മോൺ. വിൽഫ്രഡ് ഉദ്ഘാടനം ചെയ്തു. ക്രിസ്തുവിനോടു ചേർന്ന് നില്ക്കുമ്പോൾ ഏത് ജീവിതസാഹചര്യമായാലും സന്തോഷത്തിലും സമാധാനത്തിലും ജീവിക്കാൻ സാധിക്കുമെന്ന് തന്റെ ഉദ്ഘാടനപ്രസംഗത്തിൽ അദ്ദേഹം പറഞ്ഞു. ഫൊറോന വൈദിക കോഡിനേറ്റർ ഫാ. സജു റോൾഡൻ അധ്യക്ഷത വഹിച്ചു. തുടർന്ന് നടന്ന ക്ലാസിന്‌ അജിത് പെരേര നേതൃത്വം നൽകുകയും വിധവകളുടെ കൂട്ടായ്മയായ ‘നവോമി ഫോറ’ത്തിന്‌ രൂപം നൽകുകയും ചെയ്തു. ഫൊറോന ആനിമേറ്റർ സിസ്റ്റർ ആലീസ് മേരി സ്വാഗതവും ഫൊറോന കൺവീനർ അജിത ജോർജ് കൃതജ്ഞതയും പറഞ്ഞു. ഇടവക കൺവീനർമാർ, സെക്രട്ടറിമാർ, പ്രൊലൈഫ് കൺവീനർമാർ തുടങ്ങിയവർ സന്നിഹിതരായിരുന്നു.
പാളയം ഫൊറോനയിൽ കുടുംബപ്രേക്ഷിത ശുശ്രൂഷ സമിതി ‘നവോമി സംഗമം’ നടത്തി
