പുല്ലുവിള: പുല്ലുവിള ഫെറോനയിൽ അൽമായ ദിനം ആഘോഷിച്ചു. ജൂൺ 21 ശനിയാഴ്ച പുതിയതുറ സെൻറ് നിക്കോളസ് കമ്മ്യൂണിറ്റി ഹാളിൽ നടന്ന ചടങ്ങിൽ ഫെറോന അൽമായ കോഡിനേറ്റർ ഗോഡ് വിൻ സെബാസ്റ്റ്യൻ അധ്യക്ഷൻ വഹിച്ചു. ഫെറോന ഡയറക്ടർ ഫാ. ഡൈസൺ ദിനാഘോഷം ഉദ്ഘാടനം ചെയ്തു. അൽമായ ശുശ്രൂഷ അതിരൂപത ഡയറക്ടർ ഫാ. ബിഡ് മനോജ് ആശംസകൾ അർപ്പിച്ചു. ഫാ. ഗ്ലാഡിൻ അലക്സ്, അസിസ്റ്റൻറ് ഡയറക്ടർ നിക്സൺ ലോപ്പസ് എന്നിവർ പ്രസംഗിച്ചു. രാഷ്ട്രീയ, സാമൂഹിക മേഖലകളിൽ സമുദായാംഗങ്ങൾ നേതൃനിരയിൽ വരാനുള്ള കൂട്ടായ പ്രവർത്തനങ്ങൾ ഉർജ്ജിതമാക്കണമെന്ന് സമ്മേളനം ആവശ്യപ്പെട്ടു. തുടർന്ന് കലാപരിപാടികളും മികച്ച രീതിയിൽ കെ.എൽ.സി.ഡബ്ലിയു പ്രവർത്തനങ്ങൾ കാഴ്ചവെച്ച ഇടവകകൾക്ക് പുരസ്കാരങ്ങളും വിതരണം ചെയ്തു.
പുല്ലുവിള ഫെറോനയിൽ അൽമായ ദിനം ആഘോഷിച്ചു
