പുല്ലുവിള: നമ്മെ ക്രിസ്തുവിലേക്ക് ചേർത്തുനിർത്തുന്ന ജപമാല പ്രാർത്ഥനയിൽ കൂടുതൽ ആഴപ്പെടുന്നതിന്‌ സഹായകരമാകുന്ന ഭക്തപ്രവർത്തനങ്ങൾ നടത്തി പുല്ലുവിള ഫൊറോന അൽമായ ശുശ്രൂഷ. പുല്ലുള്ള ഫൊറോന അലമായ ശുശ്രൂഷ സമിതിയുടെയും ഫെറോന വൈദിക കൂട്ടായ്മയുടെയും നേതൃത്വത്തിൽ ഒക്ടോബർ 19 ശനിയാഴ്ച ജപമാല റാലി നടന്നു. ഫൊറോനയിലെ ഭക്തസംഘടകളുടെയും മരിയ ഭക്തരുടെയും പങ്കാളിത്തത്തോടെ നടന്ന ജപമാല റാലി പുല്ലുവിള ഫൊറോന വികാരി ഫാ. ഡൈസൺ ഉദ്ഘാടനം ചെയ്തു.
ജപമാല ഗാനരൂപത്തിൽ ആലപിച്ചുകൊണ്ട് നടന്ന റാലി പള്ളം ദേവാലയത്തിൽ നിന്നുമാരംഭിച്ച് പുല്ലുവിള ഫൊറോന ദേവാലയത്തിൽ സമാപിച്ചു. പുല്ലുവിള ദേവാലയത്തിലെത്തി ചേർന്ന റാലി വചന വിചിന്തനം, ആരാധന എന്നിവയോടുകൂടി സമാപിച്ചു. അല്മായ ശുശ്രൂഷ ഫൊറോന കോഡിനേറ്റർ ഫാ. സ്റ്റാലിൻ ടോം റാലിയിൽ പങ്കെടുത്തവർക്ക് കൃതജ്ഞത രേഖപ്പെടുത്തി.
