വള്ളവിള: കുടുംബപ്രേഷിത ശൂശ്രൂഷ തുത്തൂർ ഫൊറോന സമിതിയുടെ നേതൃത്വത്തിൽ ഫൊറോനയിലെ കേൾവി പരിമിതരുടെ സംഗമം നടത്തി. തുത്തൂർ ഫൊറോന കുടുംബ ശുശ്രൂഷ കോ-ഓർഡിനേറ്റർ ഫാ. ബൻസിഗറിന്റെ അധ്യക്ഷതയിൽ വള്ളവിള ഇടവകയിൽ വച്ച് നടന്ന സംഗമം ഫൊറോന വികാരി റവ. ഫാ. സിൽവസ്റ്റർ കുരിശ് ഉദ്ഘാടനം ചെയ്തു.
ഫൊറോനയിലെ വിവിധ ഇടവകകളിൽ നിന്നായി നാല്പതോളം കേൾവി പരിമിതരായ അംഗങ്ങൾ പങ്കെടുത്ത സംഗമത്തിൽ ഇവർക്കായി കുമ്പസാരം, കൗൺസിലിംഗ് എന്നിവ നടന്നു. തുടർന്ന് നടന്ന ദിവ്യബലി കുടുംബപ്രേഷിത ശുശ്രൂഷ അതിരൂപത അസിസ്റ്റന്റ് ഡയറക്ടർ ഫാ. ജെനിസ്റ്റൻ ആംഗ്യഭാഷയിൽ വിവർത്തനം ചെയ്തു. ദിവ്യബലിക്ക് വള്ളവിള ഇടവക വികാരി ഫാ. ടോമി തോമസ് മുഖ്യകാർമികത്വം വഹിച്ചു. ഫാ. ജോണി വചന വിചിന്തനത്തിന്‌ നേതൃത്വം നല്കി. സംഗമത്തിൽ സമ്മാന വിതരണവും സ്നേഹവിരുന്നും ഫൊറോന സമിതി സംഘടിപ്പിച്ചു. ആനിമേറ്റർ സിസ്റ്റർ ഹെൽഗ കൃതജ്ഞതയർപ്പിച്ചു. കുടുംബ ശുശ്രൂഷ ഫോറങ്ങളുടെ അതിരൂപത കോ-ഓർഡിനേറ്റർ സിസ്റ്റർ ഡയാന, കൗൺസിലിംഗ് അതിരൂപത കോ-ഓർഡിനേറ്റർ സിസ്റ്റർ ഫൗസ്റ്റിന, ഫൊറൊന സമിതി അംഗങ്ങൾ തുടങ്ങിയവർ സന്നിഹിതരായിരുന്നു.
