ഭിന്നശേഷിക്കാർക്ക് കൈത്താങ്ങാകാൻ ഭക്തവസ്തുക്കൾ വിൽക്കുന്ന ‘ദയ’ സ്റ്റോൾ ഉദ്ഘാടനം ചെയ്ത് തിരുവനന്തപുരം അതിരൂപതാ സഹായമെത്രാൻ ക്രിസ്തുദാസ് പിതാവ്. പരുത്തിയൂർ വി. മറിയം മഗ്ദലേന ഇടവകയിൽ ടി.എസ്.എസ്.എസിന്റെ കീഴിൽ പ്രവർത്തിക്കുന്ന ‘ദയ’ എന്ന സംഘടനയാണ് ടി.എസ്.എസ്.എസിന്റെ സഹായത്തോടെ സ്റ്റോർ ആരംഭിച്ചത്.
ദൈവേഷ്ടം നിറവേറ്റുന്ന മാതൃകാപരമായ കാരുണ്യപ്രവർത്തിയാണ് ഇതരത്തിൽ ഉള്ള സംരംഭങ്ങൾ എന്ന് പിതാവ് ഓർമ്മിപ്പിച്ചു. ടി.എസ്.എസ്. ഡയറക്ടർ റവ. ഫാ. സാബാസ് ഇഗ്നേഷ്യസ്, പുല്ലുവിള ഫെറോന വികാരി റവ. ഫാ. സിൽവെസ്റ്റർ കുരിശ്, പൂവാർ ഇടവക വികാരി ഫാ. അനീഷ് ഫെർണാണ്ടസ് എന്നിവർ ഉദ്ഘാടന ചടങ്ങിൽ പങ്കെടുത്തു.
