തിരുവനന്തപുരം സെന്റ് ജോസഫ്സ് എച്ച്. എസ്. എസ് – ൽ ഇന്നലെ യോഗാദിനം ആചരിച്ചു. വൺ കേരള എയർ സ്‌ക്വാഡ് എൻസിസി കമാണ്ടിംഗ് ഓഫീസർ ഗ്രൂപ്പ് ക്യാപ്റ്റൻ ഏ. ജി. ശ്രീനിവാസിന്റെ നേതൃത്വത്തിലാണ് അന്താരാഷ്ട്ര യോഗാദിനം ആചരിച്ചത്. തിരുവനന്തപുരം സെന്റ് ജോസഫ്സ് എച്ച്. എസ്. എസ്. ഓഡിറ്റോറിയത്തിൽ വച്ച് നടന്ന യോഗാ ദിനാചാരണ പരിപാടി സെന്റ് ജോസഫ്സ് സ്കൂൾ മാനേജർ ഫാ. അൽഫോൺസ് ജെറോം ഉദ്ഘാടനം ചെയ്തു.
നഗരത്തിലെ വിവിധ സ്കൂൾ, കോളേജുകളിൽ നിന്നായി അഞ്ഞൂറോളം കേഡറ്റുകൾ പരിപാടിയിൽ പങ്കെടുത്തു. സ്കൂൾ പ്രിൻസിപ്പാൾ ഡോ. സുനിൽകുമാർ മൊറായിസ്, ഹെഡ്മാസ്റ്റർ ജോൺ. ഇ. ജയൻ, ചീഫ് ഓഫീസർ ആർ. അനിൽകുമാർ, മാസ്റ്റർ വാറണ്ട് ഓഫീസർ വിനോദ്കുമാർ, സ്കൂൾ എ. എൻ. ഒ. മാർ, വായുസേനാംഗങ്ങൾ, രക്ഷിതാക്കൾ എന്നിവർ പരിപാടിയിൽ പങ്കുകാരായി.
