തിരുവനന്തപുരം അതിരൂപത കെ. സി. എസ്. എൽ. സുവർണ്ണ ജൂബിലിയോട് അനുബന്ധിച്ച് കുട്ടികൾക്കായൊരുക്കിയ ലീഡേഴ്സ് ക്യാമ്പ് ജൂൺ 16, 17 എന്നീ ദിവസങ്ങളിൽ വെള്ളയമ്പലം ആനിമേഷൻ സെന്ററിൽ നടന്നു. കെസിഎസ്എൽ ഡയറക്ടർ ഫാ. ഡേവിഡ്സൺ ജസ്റ്റസിന്റെ നേതൃത്വത്തിൽ ആർ.സി. സ്കൂൾ മാനേജർ ഫാ.ഡൈസൺ ക്യാമ്പ് ഉദ്ഘാടനം ചെയ്തു. പ്രാർത്ഥനയും, പഠനവും , പരിശീലനവും ഒപ്പം സർഗാത്മ കഴിവുകൾ പ്രകടമാക്കുവാനുള്ള വേദിയും ക്യാമ്പിൽ കുട്ടികൾക്കായി ഒരുക്കിയിരുന്നു.
സ്കൂൾ ജീവിതം ആസ്വദിക്കുക, എങ്ങനെ നല്ലൊരു നേതാവാകാം, ആശയ വിനിമയ കഴിവുകൾ എന്നീ ക്ലാസ്സുകളാണ് നൽകിയത്. കുട്ടികളിൽ നിന്ന് സുവർണ്ണ ജൂബിലി വർഷത്തേയ്ക്കുള്ള നേതൃത്വനിരയെ തെരത്തെടുത്തു. ചെയർ പേഴ്സനായി അഞ്ചുതെങ്ങ് സെന്റ്. ജോസഫ്സ് എച്. എസ്.എസ് – ലെ ശ്രേയ, തിരുവനന്തപുരം സെന്റ്. ജോസഫ്സ് എച്. എസ്.എസ് -ലെ ധ്യാൻ ആന്റോ ജനറൽ സെക്രട്ടറിയായും തെരഞ്ഞെടുക്കപ്പെട്ടു. അതിരൂപതയിലെ വിവിധ സ്കൂളുകളിൽ നിന്നും 123 കുട്ടികൾ ക്യാമ്പിൽ പങ്കെടുത്തു
