കേരള റോമൻ കാത്തലിക് ചാപ്ലൈൻസി ലണ്ടന്റെ ആഭിമുഖ്യത്തിൽ ‘പിറവി 2025’ ലണ്ടനിൽ അരങ്ങേറി

ലണ്ടൻ: കേരള റോമൻ കാത്തലിക് ചാപ്ലൈൻസി ലണ്ടന്റെ ആഭിമുഖ്യത്തിൽ ക്രിസ്തുമസ് ആഘോഷമായ “പിറവി 2025” ലണ്ടനിൽ അരങ്ങേറി. KRLCC Latin Day ജൂബിലി ആഘോഷങ്ങൾ ലണ്ടൻ ന്യൂ ഹാം ടൌൺ ഹാളിൽ ഈസ്റ്റ് ഹാം MP സർ സ്റ്റീഫൻ ടിംസ് ഉദ്‌ഘാടനം ചെയ്തു. കേരള റോമൻ കാത്തലിക് ലണ്ടൻ ചാപ്ലയിൻ ഫാ. വിംഗ്സ്റ്റൺ വാവച്ചൻ ആമുഖ സന്ദേശം നൽകി. വെസ്റ്റ് മിനിസ്റ്റർ സഹായ മെത്രാൻ പോൾ മാക്ലീൻ ക്രിസ്തുമസ് സന്ദേശം നൽകിയ ചടങ്ങിൽ ചാപ്ലൈൻസി സെക്രട്ടറി ക്ലെറിൻ ക്ലീറ്റസ് 2025-ലെ പ്രവർത്തന റിപ്പോർട്ട് അവതരിപ്പിച്ചു. ഈസ്റ്റ് ഹാം ഇടവക വികാരി ഫാ. കാനൻ ബോബ്, ഫാ. ജെറാൾഡ് സാവിയോ, ഫാ. ഷാജിൻ ജോസ്, ഫാ. സജി, ഫാ. അനിൽ, ക്ലാര പീറ്റർ, ജോസ് അലക്സാണ്ടർ എന്നിവർ ആശംസകൾ അർപ്പിച്ചുകൊണ്ട് സംസാരിച്ചു. തുടർന്ന് ക്രിസ്തുമസ് കരോൾ, മാർഗം കളി, ഡ്രാമ, സിനിമാറ്റിക് ഡാൻസ്, ഗാനമേള എന്നിവ  അരങ്ങേറി. ലണ്ടനിലെ ന്യൂ ഹാം ടൌൺ ഹാളിൽ തിങ്ങി നിറഞ്ഞ മലയാളികളെ സാക്ഷ്യം വഹിച്ച പിറവി 2025 ആഘോഷങ്ങൾക്ക് ഫാ. വിംഗ്സ്റ്റൺ, ക്ലെറിൻ ക്ലീറ്റസ്, എഡ്വേർഡ്, ഗോദ്രിക്, ബൈജു, മിൽഡ എന്നിവർ നേതൃത്വം നൽകി.