വിഴിഞ്ഞം: വിഴിഞ്ഞം ഇടവകയിൽ സെന്റ്. മേരിസ് ഹയർസെക്കൻഡറി സ്കൂളിൽ വച്ച് വിദ്യാഭ്യാസ ശുശ്രൂഷ സമിതിയുടെ നേതൃത്വത്തിൽ ‘അറിയാൻ കുട്ടികളെ അറിയാൻ’ എന്ന വിഷയത്തിന്മേൽ മാതാപിതാക്കൾക്കായി ബോധവൽക്കരണ ക്ലാസ് നടത്തി. നവംബർ 29 ശനിയാഴ്ച നടന്ന പരിപാടി ഇടവക സഹവികാരി ഫാ. ബിജോയ് ബർണാഡ് ഉദ്ഘാടനം ചെയ്തു. വിദ്യാഭ്യാസ ശുശ്രൂഷ സമിതി കൺവീനർ ട്രീസ സ്വാഗതം പറഞ്ഞു. സെന്റ്. മേരിസ് ഹയർസെക്കൻഡറി സ്കൂൾ ഹെഡ്മിസ്ട്രസ് സുനി ടീച്ചർ ക്ലാസിന്റെ ഉദ്ദേശ ലക്ഷ്യങ്ങൾ വിവരിച്ചു. സാക്ഷരതാ മിഷൻ കോഡിനേറ്ററും, മനഃശാസ്ത്ര നിയമ വിദഗ്ധനുമായ അഡ്വ. പ്രദീപ് ചെല്ലപ്പൻ ക്ലാസ് നയിച്ചു. കുട്ടികളുടെ വിദ്യാഭ്യാസത്തെക്കുറിച്ചും സ്വഭാവത്തെ സ്വാധീനിക്കുന്ന പ്രധാന ഘടകങ്ങളെക്കുറിച്ചും, മാതാപിതാക്കളുടെ സ്നേഹം, സമയം, പ്രോത്സാഹനം, എന്നിവ കുട്ടികൾക്ക് നൽകുന്ന ലക്ഷ്യബോധത്തെക്കുറിച്ചും ക്ലാസിൽ വിശദീകരിച്ചു. തുടർന്ന് രക്ഷാകർത്താക്കൾ തങ്ങളുടെ അനുഭവങ്ങൾ പങ്കുവയ്ക്കുകയും സംശയ നിവാരണം നടത്തുകയും ചെയ്തു. ഫൊറോന ആനിമേറ്റർ ശ്രീമതി മേരി ഫാത്തിമ നന്ദി പറഞ്ഞു.
വിഴിഞ്ഞം ഇടവകയിൽ ദ്യാഭ്യാസ ശുശ്രൂഷ സമിതി മാതാപിതാക്കൾക്കായി ബോധവൽക്കരണ ക്ലാസ് നടത്തി
