നെല്ലിയോട് : കെ.സി.വൈ.എം നെല്ലിയോട് യൂണിറ്റിന്റെ നേതൃത്വത്തിൽ ഇടവകയിൽ പരീക്ഷയ്ക്കായി ഒരുങ്ങുന്ന വിദ്യാർത്ഥികൾക്കും അവരുടെ മാതാപിതാക്കൾക്കുമായി പരീക്ഷ ഒരുക്ക ക്ലാസ്സ് സംഘടിപ്പിച്ചു. പൊതു പരീക്ഷയ്ക്കായി ഒരുങ്ങുന്ന വിദ്യാർത്ഥികളെ അവരുടെ അക്കാദമിക് പ്രവർത്തനങ്ങളിൽ പിന്തുണയ്ക്കാനും, വിദ്യാർത്ഥികൾക്ക് അവരുടെ പരീക്ഷകളിൽ മികവ് പുലർത്തുന്നതിനുള്ള ആവശ്യമായ പഠന തന്ത്രങ്ങളും നുറുങ്ങുകളും നൽകി. ഫലപ്രദമായ സമയ മാനേജ്മെൻ്റ്, വിഷയ-നിർദ്ദിഷ്‌ട സാങ്കേതിക വിദ്യകൾ, പരിശീലന സെഷനുകൾ എന്നിവയിൽ ശ്രദ്ധ കേന്ദ്രീകരിച്ച ക്ലാസ് വിദ്യാർത്ഥികളുടെ ആത്മവിശ്വാസവും പ്രകടനവും വർദ്ധിപ്പിച്ചു. പരീക്ഷയെ എങ്ങനെ അഭിമുഖീകരിക്കാം, പരീക്ഷ പേടി എങ്ങനെ അകറ്റാം, പരീക്ഷ കാലയളവിൽ മാതാപിതാക്കൾ ശ്രദ്ധിക്കേണ്ട കാര്യങ്ങൾ തുടങ്ങിയവ ക്ലാസിൽ ചർച്ച ചെയ്യപ്പെട്ടു. ക്ലാസിൽ പങ്കെടുത്ത എല്ലാവർക്കും പേനയും, നോട്ട്പാടും വിതരണം ചെയ്തു. ഫാ. വിജിൽ ജോർജ് ക്ലാസുകൾക്ക് നേതൃത്വം നൽകി. ക്ലാസിനോടൊപ്പം വിദ്യാർത്ഥികൾക്കായി പ്രത്യേക പ്രാർത്ഥനയും പഠനോപകരണ ആശിർവാദവും ഉണ്ടായിരുന്നു. 15-ഓളം വിദ്യാർത്ഥികളും അവരുടെ മാതാപിതാക്കളും, കെ.സി.വൈ.എം അംഗങ്ങളും ക്ലാസ്സിൽ പങ്കെടുത്തു.
ക്രിസ്റ്റസ് ഫോർട്ടിസ്; പരീക്ഷ ഒരുക്ക ക്ലാസ്സ് നടത്തി കെ.സി.വൈ.എം നെല്ലിയോട് യൂണിറ്റ്
