പുല്ലുവിള: പുല്ലുവിള ഫൊറോന വിദ്യാഭ്യാസ ശുശ്രൂഷ സമിതിയുടെ നേതൃത്വത്തിൽ വിദ്യാർത്ഥികൾക്ക് ഇംഗ്ലീഷ് ഭാഷയിൽ നൈപുണ്യം കൈവരിക്കാൻ ഇംഗ്ലീഷിൽ വിവിധ മത്സരങ്ങൾ നടത്തി. ഫെബ്രുവരി 24 ശനിയാഴ്ച രാവിലെ കരുങ്കുളം സൗഹൃദിൽ വച്ചാണ്‌ മത്സര പരിപാടി സംഘടിപ്പിച്ചത്.
ഇംഗ്ലീഷ് ഉപന്യാസം, പ്രസംഗം, അഭിമുഖം എന്നീ മത്സരങ്ങൾക്ക് ഫൊറോനയിലെ വിവിധ ഇടവകകളിൽനിന്നും 28 വിദ്യാർത്ഥികൾ പങ്കെടുത്തു. മത്സരത്തിൽ ഒന്നും രണ്ടും മൂന്നും സ്ഥാനം കരസ്ഥമാക്കിയ വിദ്യാർത്ഥികൾക്ക് ക്യാഷ് പ്രൈസും,മൊമെന്റോയും നൽകിആദരിച്ചു. ഫൊറോന വികാരി റവ. ഫാ. സിൽവസ്റ്റർ കുരിശ് വിദ്യാഭ്യാസ കോർഡിനേറ്റർ ഫാ. പ്രദീപ് ജോസഫ്, ആനിമേറ്റർ മേരി ത്രേസ്യ മൊറൈസ് എന്നിവർ പരിപാടിക്ക് നേതൃത്വം നൽകി. ഫാ. ആൽബർട്ട്, ശ്രീ ജോയി, ശ്രീ ഗ്ലാവ്യസ്, ശ്രീമതി മേരി ആൻ, ശ്രീമതി അമല, ശ്രീമതി സ്റ്റിഫാനോ എന്നിവർ വിവിധ മത്സരങ്ങൾ നടത്തുന്നതിന്‌ നേതൃത്വം നൽകി.
