തിരുവനന്തപുരം: ജപമാല മാസമായ ഒക്ടോബർ മാസം മരിയഭക്തി വളർത്തുന്നതിന്റെയും പ്രചരിപ്പിക്കുന്നതിന്റെയും ഭാഗമായി തിരുവനന്തപുരം ലത്തീൻ അതിരൂപത മീഡിയ കമ്മിഷൻ സമർപ്പണം എന്നപേരിൽ വ്യത്യസ്തമായ സംഗീത മത്സരം സംഘടിപ്പിക്കുന്നു. പരിശുദ്ധ മറിയത്തിന്‌ മരിയഗീതം പാടി സമർപ്പിക്കുന്ന വീഡിയോ മത്സരമാണ്‌ സമർപ്പണം. വീഡിയോ, ഷോർട്ട്സ്, റീൽസ് എന്നീതരത്തിലുള്ള മരിയ ഗീതങ്ങളാണ്‌ അയക്കേണ്ടത്. മികച്ച വീഡിയോകൾ മീഡീയ കമ്മിഷന്റെ യൂട്യൂബ് ചാനലിലും ഫേസ്ബുക്ക്, ഇൻസ്റ്റഗ്രാം പേജുകളിലും ഒക്ടോബർ മാസത്തിൽ സമർപ്പണം എന്ന പേരിൽ പ്രസിദ്ധീകരിക്കും. ഏറ്റവും മികച്ച വീഡിയോയ്ക്കും, ഷോർട്സിനും റീൽസിനുമുള്ള സമ്മാനവും മീഡീയ കമ്മിഷൻ നല്കും.
സമർപ്പണ വീഡിയോകൾ അയക്കുമ്പോൾ എണ്ണത്തിന്റെയോ, ഭാഷയുടെയോ വ്യത്യാസമില്ല. ഒറ്റയ്ക്കും ഗ്രൂപ്പായും ഏത് ഭാഷയിലുള്ള മരിയഗീതം പാടി സമർപ്പിക്കാവുന്നതാണ്‌. മരിയഗീത സമർപ്പണ വീഡിയോകൾ നിർമ്മിക്കുന്നതിനാവശ്യമായ സൗകര്യം വെള്ളയമ്പലം മീഡീയകമ്മിഷന്‌ കീഴിലുള്ള കാർലോ അക്യുട്ടിസ് മീഡീയ സെന്ററിൽ (സ്റ്റുഡിയോ) ലഭ്യമാണ്‌. വിശദ്ദ വിവരങ്ങൾ 83049 38655, 94470 74231 എന്ന നമ്പരിലും സ്റ്റുഡിയോയുമായി ബന്ധപ്പെട്ട വിവരങ്ങൾ 91881 91716 എന്ന നമ്പരിലും ലഭ്യമാണ്‌.
സമർപ്പണ വീഡിയോകൾ അയക്കേണ്ട മെയിൽ ഐ ഡി> samarpanamtmc@gmail.com
