തിരുവന്തപുരം :യൂത്ത് ഗെയിം ഇന്റർനാഷണൽ ബോക്സിങ് ചാമ്പ്യൻഷിപ്പിൽ ഗോൾഡ് മെഡൽ സ്വന്തമാക്കി സ്നേഹ സഹായ രാജൻ. നേപ്പാളിൽ വച്ച് നടന്ന ബോക്സിങ് മത്സരത്തിലാണ് സ്നേഹ സ്വർണ്ണം മെഡൽ ജേതാവായത്.
മുൻ ഏഷ്യ ബോക്സിങ് മത്സരാർത്ഥിയും അർദ്ധ സൈനികനുമായ അച്ഛൻ സഹായ രാജുവും സഹോദരൻ ബിനോയുമാണ് ബോക്സിങ്ങിലേക്കുള്ള വഴികാട്ടികൾ. ലോക ഒളിംപിക്സിൽ രാജ്യത്തെ പ്രതിനിധികരിക്കുക എന്നതാണ് സ്നേഹയുടെ സ്വപ്നം. പെൺകുട്ടികൾക്ക് കൈയടക്കാൻ കഴിയാത്ത മേഖലകൾ ഒന്നും തന്നെയില്ല എന്നതാണ് തൻ്റെ വിജയത്തിൽ സമപ്രായക്കാരോട് പറയാൻ ഉദ്ദേശിക്കുന്നതെന്നും സ്നേഹ പറഞ്ഞു.
തിരുവനന്തപുരം ലത്തീൻ അതിരൂപതയിലെ കാരക്കമണ്ഡപം ഇടവക അംഗമായ സ്നേഹ ആലപ്പുഴ ഹരിപ്പാട് എസ്. എൻ കോളേജിൽ രണ്ടാം വർഷ എം എസ് സി ജിയോഗ്രഫി വിദ്യാർത്ഥിനിയാണ്. സിന്ധു ആണ് അമ്മ.
