വലിയതുറ: വലിയതുറ ഫൊറോന അജപാലന ശുശ്രൂഷയുടെ നേതൃത്വത്തിൽ പരിഹാര കുരിശിന്റെ വഴി നടന്നു. 24 മാർച്ച ഞായറാഴ്ച വേളിയിൽ നിന്നും ചെറിയതുറയിൽ നിന്നുമാരംഭിച്ച കുരിശിന്റെ വഴികൾ ചെറുവെട്ടുകാട് സെയിന്റ് സെബാസ്ത്യൻ ഗ്രൗണ്ടിൽ സമാപന പ്രാർത്ഥനയോടെ ഒരുമിച്ചുചേർന്നു. സമാപന പ്രാർഥനയ്ക്ക് വലിയതുറ ഫൊറോന വികാരി റവ. ഫാ. ഹയിസിന്ത് എം. നായകം നേതൃത്വം നൽകി. അതിരൂപത സഹായ മെത്രാൻ റൈറ്റ്. റവ. ഡോ. ക്രിസ്തുദാസ് ആർ. സമാപന സന്ദേശവും ആശീർവാദവും നൽകി. വലിയതുറ അജപാലന ശുശ്രൂഷ കോ-ഓർഡിനേറ്റർ ഫാ. ഡോ. എഡിസൻ വൈ. കൃതജ്ഞതയേകി. ഫൊറോനയിലെ വൈദീകരും വിവിധയിടവകകളിൽ നിന്നും നിരവധി വിശ്വാസികളും പരിഹാരകുരിശിന്റെ വഴിയിൽ ഭക്തിപൂർവ്വം പങ്കെടുത്തു.
വലിയതുറ ഫൊറോനയിൽ പരിഹാര കുരിശിന്റെ വഴി നടന്നു
