2022-23 സംസ്ഥാന സ്കൂൾ കലോത്സവത്തിൽ ലളിതഗാന മത്സരത്തിൽ എ ഗ്രേഡ് നേടി തിരുവനന്തപുരം അതിരൂപതയിലെ പാളയം ഇടവകാംഗമായ ആൻ ബൻസൺ. കവടിയാർ ക്രൈസ്റ്റ് നഗർ എച്ച് എസ് എസിലെ പത്താം ക്ലാസ് വിദ്യാർത്ഥിയായ ആൻ, സൺ ടിവിയും ഫ്ലവേഴ്സ് ചാനലും നടത്തിയ റിയാലിറ്റി ഷോകളിൽ പങ്കെടുത്ത വിജയിയായിട്ടുണ്ട്. പാളയം സെന്റ് ജോസഫ് കത്തീഡ്രൽ ദേവാലയത്തിലെ ഓ വി ആർ സാറിൻറെ നേതൃത്വത്തിലെ ഗായകസംഘത്തിലെ അംഗവും സൗണ്ട് എഞ്ചിനീയറുമായ ശ്രീ. ബെൻസന്റെ മകളാണ് ആൻ ബെൻസൺ.
35 വർഷങ്ങൾക്ക് ശേഷം അമ്മയുടെ വിജയ ചരിത്രം ആവർത്തിച്ച മകളെന്ന പ്രത്യേകത കൂടിയുണ്ട് ആൻ ബൻസന്റെയീ വിജയത്തിൽ. 1986-87 വർഷങ്ങളിലെ സംസ്ഥാന സ്കൂൾ യുവജനോത്സവ ലളിതഗാന മത്സരത്തിൽ വിജയിയായിരുന്നു ആനിന്റെ അമ്മ ലക്ഷ്മി രംഗൻ.
