അന്തരിച്ച മനുഷ്യാവകാശ പ്രവർത്തകനായ ഫാ. സ്റ്റാൻ സ്വാമിയുടെ ഭൗതികാവശിഷ്ടം രാവിലെ എട്ടരയോടെ എറണാകുളത്തുനിന്നും തിരുവനന്തപുരം ജനറൽ ഹോസ്പിറ്റൽ ജംഗ്ഷനിലെ ഐക്കഫ് സെന്ററിൽ എത്തുന്ന ഭൗതിക അവശിഷ്ടം, ഐക്കഫ് ഡയറക്റ്റർ ഫാ. ബേബി ചാലിൽ എ,സ്. ജെ. യുടെ നേതൃത്വത്തിൽ ഏറ്റുവാങ്ങും. തുടർന്ന് 9.30 വരെ എക്കഫ് സെന്റർ ചാപ്പലിൽ സൂക്ഷിച്ചശേഷം പത്തു മണിയോടുകൂടി രക്തസാക്ഷി മണ്ഡപത്തിലേക്ക് പ്രത്യേക വാഹനത്തിൽ എത്തിക്കുകയും, തിരുവനന്തപുരം മേയർ ആദരണീയ ശ്രീമതി ആര്യ രാജേന്ദ്രൻ ഏറ്റുവാങ്ങുകയും പുഷ്പാർച്ചന നടത്തുകയും ചെയ്യും.
അതിനുശേഷം ഉച്ചക്ക് ഒരുമണിവരെ പ്രസ്സ് ക്ളുബ് ഹാളിൽ പ്രത്യേകം സജ്ജരിച്ച സ്ഥലത്ത്, പൊതുദർശനത്തിനു വയ്ക്കുകയും ചെയ്യും. കോവിഡ് മാനദണ്ഡങ്ങൾ പാലിച്ച് ജനങ്ങൾക്ക് ആദരവ് നൽകാനവസരമുണ്ടാകും. തുടർന്ന് ഐക്കഫ് സെന്ററിൽ നിന്നുതന്നെ ഉച്ചക്ക് ശേഷം മൂന്ന് മണിയോടെ നാഗർകോവിലിലേക്ക് കൊണ്ട്പോവുകയും ചെയ്യും.
അഭിവന്ദ്യ സൂസപാക്യം പിതാവും, ക്രിസിതുദാസ് പിതാവും പരിപാടികളിൽ പങ്കെടുക്കുമെന്ന് അതിരൂപതാ പി. ആർ. ഒ. വെരി. റവ. ഡോ. സി. ജോസഫ് അറിയിച്ചു.
