ലത്തീൻ കത്തോലിക്കരും സാമൂഹിക – രാഷ്ട്രീയ നേതൃത്വവും എന്ന വിഷയാടിസ്ഥാനത്തിൽ ഏകവർഷ പാഠ്യപദ്ധതിയൊരുക്കി അതിരൂപത. 13-ആം തിയതി വെള്ളയമ്പലം ആനിമേഷൻ സെന്ററിൽ വച്ച് നടന്ന ആദ്യ സെഷൻ മോൺ. ജെയിംസ് കുലാസ് ഉത്ഘാടനം ചെയ്തു.
2023 മെയ് മുതൽ 2024 ഏപ്രിൽ വരെ വെള്ളയമ്പലത്തു വച്ച് നടക്കുന്ന ഏകവർഷ പഠന പരിശീലന പരിപാടിയിൽ 18- നും 40-നും മധ്യേ പ്രായമുള്ള 60 പേരാണ് പങ്കുകാരാവുക. പ്രതിജ്ഞാബദ്ധരായ ലത്തീൻ കത്തോലിക്ക നേതാക്കളെ സാമൂഹിക – രാഷ്ട്രീയ നേതൃത്വത്തിലേക്ക് രൂപപ്പെടുത്തുക, വൈകാരികവും മാനസികവും ബൗദ്ധികവുമായ വികാസവും പക്വതയും ആർജിച്ച് സാമൂഹിക പ്രതിബദ്ധതയുള്ള നേതൃത്വം സൃഷ്ടിക്കുകയെന്നതാണ് പരിശീലനത്തിലൂടെ ലക്ഷ്യമാക്കുന്നത്. വിവിധ ശുശ്രൂഷകളുടെയും സമുദായ സാമൂഹിക സംഘടനകളുടെയും സഹകരണത്തോടെയാണ് കോഴ്സ് നടത്തപ്പെടുന്നത്.
