വിശപ്പ് രഹിത മാമ്പള്ളിക്കായ് സെന്റ്. ആന്റണിസ് ആരാധന കൂട്ടായ്മയുടെ നേത്തൃത്വത്തിൽ എല്ലാ ദിവസവും ഉച്ച ഭക്ഷണ വിതരണം. സെന്റ് ആന്റണിസ് ബ്രെഡ് എന്ന ഭക്ഷണ വിതരണ സംരംഭം ഈ മാസം 13- ന് മാമ്പള്ളി ഇടവക വികാരി ഫാ. ജസ്റ്റിൻ ജൂഡിൻ നിർവഹിച്ചു. ഭക്ഷണത്തിനായി ബുദ്ധിമുട്ടനുഭവിക്കുന്നവർക്ക് ഒരുനേരത്തെ ഭക്ഷണം നൽക്കുകയെന്ന കാരുണ്യ പ്രവർത്തിയിലൂടെ ഭൂമിയിൽ സ്വർഗ്ഗരാജ്യ പ്രഘോഷണമാണ് സംഘാടകർ ലക്ഷ്യമാക്കുന്നത്.
മതങ്ങൾക്കപ്പുറം, ജാതികൾക്കപ്പുറം, ഭാഷകൾക്കപ്പുറം, അതിർത്തികൾക്കപ്പുറം മാമ്പള്ളി ഹോളി സ്പിരിറ്റ്‌ ദൈവാലയം ഉയർന്നുനിൽക്കണമെന്ന ഇടവക വികാരി ഫാ. ജസ്റ്റിൻ ജൂഡിന്റെയും സംഘാടകരുടെയും ആഗ്രഹവും ഈ പ്രയത്നത്തിന് പിന്നിലുണ്ട്. ഉച്ചക്ക് 12 മണി മുതൽ ഒരു മണി വരെ ദൈവാലയ അങ്കണത്തിൽ വച്ചാണ് ഭക്ഷണം വിതരണം ചെയ്യുന്നതെന്ന് സംഘാടകർ അറിയിച്ചു.
