Report by : Neethu
മത്സ്യ കച്ചവട വനിതകളുടെ സൗകര്യാർത്ഥം സൗജന്യ ബസ് സർവീസ് ആരംഭിക്കുന്നു. ഫിഷറീസ് വകുപ്പ് ഗതാഗതവകുപ്പ് സംയുക്തമായിട്ടാണ് സമുദ്ര എന്ന പേര് നൽകിയ ബസ് സർവീസുകൾ ആരംഭിക്കുന്നത്. ഗതാഗത വകുപ്പ് മന്ത്രി ആന്റണി രാജുവും കെഎസ്ആർടിസി എം ടി യുമായി ഫിഷറീസ് വകുപ്പ് മന്ത്രി സജി ചെറിയാൻ നടത്തിയ അഭിമുഖത്തിലാണ് തീരുമാനം.ഇതിനായി രൂപമാറ്റം വരുത്തിയ മൂന്ന് ബസ്സുകൾ ഉപയോഗിക്കുമെന്നും ഏകദേശം 72 ലക്ഷം രൂപ ആവശ്യമായ പദ്ധതിക്ക് പണം ഫിഷറീസ് വകുപ്പിന്റെ ബഡ്ജറ്റ് വിഹിതത്തിൽ നിന്ന് നിന്ന് കണ്ടെത്തുമെന്നും അറിയിച്ചു. 24 പേർക്ക് ഇരുന്ന് യാത്ര ചെയ്യുവാനും ഇവരുടെ വിപണനസാമഗ്രികൾ വയ്ക്കുവാൻ സൗകര്യമുള്ള രീതിയിലാണ് രൂപകൽപ്പന ചെയ്തിരിക്കുന്നത്. വിഴിഞ്ഞം പൂന്തുറ തുടങ്ങിയ സ്ഥലങ്ങളിൽ നിന്നും നഗരത്തിലെ പ്രധാന മത്സ്യ കച്ചവട മേഖലകളിലേക്കും ബസ് സർവീസ് ഉണ്ടാകും എന്നാണ് അറിയിച്ചിരിക്കുന്നത്. ഓഗസ്റ്റ് ആദ്യവാരത്തിൽ തന്നെ ബസ് സർവീസുകൾ ആരംഭിക്കാൻ ആകും എന്നാണ് പ്രതീക്ഷ.
