@Telma
കേരളത്തിലെ 12 ലത്തീൻ അതിരൂപത കളുടെയും സമുദായത്തിന്റെ സമഗ്ര വളർച്ച ലക്ഷ്യമാക്കി കൊണ്ട് ആരംഭിച്ച കേരള ലാറ്റിൻ കാത്തലിക് അസോസിയേഷൻ (KLCA)സുവർണ്ണ ജൂബിലി ആഘോഷങ്ങൾക്ക് തുടക്കം കുറിച്ചു. മാർച്ച് 27 ന് എറണാകുളം ടൗൺ ഹാളിൽ വച്ച് നടന്ന ചടങ്ങിൽ വച്ചാണ് ജൂബിലി ആഘോഷങ്ങൾക്ക് തുടക്കം കുറിച്ചത്. വിവിധ രൂപതകളിൽ നടക്കാനിരിക്കുന്ന തുടർ പരിപാടികളിൽ KLCA തിരുവനന്തപുരം ലത്തീൻ അതിരൂപത ആതിഥേയം വഹിക്കും.
ഇതിനോടനുബന്ധിച്ചുള്ള സുവർണ സ്മൃതി ആചരണം ഏപ്രിൽ 29 വെള്ളിയാഴ്ച വൈകുന്നേരം 5 മണിക്ക് തിരുവനന്തപുരം പാളയം രക്തസാക്ഷി മണ്ഡപത്തിൽ നടക്കും. ലത്തീൻ സമുദായത്തിൽ നിന്നും പൊതുസമൂഹത്തിന് വിലപ്പെട്ട സംഭാവനകൾ നൽകിയ മൺമറഞ്ഞ യുഗപ്രഭാവൻമാരായ നേതാക്കളെ സ്മരിക്കുന്ന ഈ പരിപാടിയിൽ തിരുവനന്തപുരം അതിരൂപത മെത്രാപ്പോലീത്ത മോസ്റ്റ്‌ റവ. ഡോ. തോമസ് ജെ. നെറ്റോ, സഹായമെത്രാൻ മോസ്റ്റ്‌. റവ. ഡോ. ക്രിസ്തുദാസ്, ഭക്ഷ്യ സിവിൽ സപ്ലൈസ് വകുപ്പ് മന്ത്രി,അഡ്വ. ജി. ആർ. അനിൽ,എംഎൽഎ-മാർ സമുദായ നേതാക്കൾ തുടങ്ങിയവർ പങ്കെടുക്കും.
