Report by: Philomina Fernandez
കെ.സി.വൈ.എം സംസ്ഥാന സമിതിയുടെ നേതൃത്വത്തിലുള്ള ഈ വർഷത്തെ യുവജന ദിനാഘോഷം യുവാന്റെസ് 2021 എന്നപേരിൽ ഓൺലൈനായി സംഘടിപ്പിച്ചു. സംസ്ഥാന പ്രസിഡൻറ് ശ്രീ.എഡ്‌വേഡ് രാജുവിന്റെ അധ്യക്ഷതയിൽ നടന്ന പൊതുസമ്മേളനത്തിൽ ജലവിഭവ വകുപ്പ് മന്ത്രി ശ്രീ.റോഷി അഗസ്റ്റിൻ യുവജന ദിനാഘോഷം ഉദ്ഘാടനം ചെയ്തു.
സാമൂഹിക പ്രതിബദ്ധതയുള്ള യുവജനങ്ങളെ വാർത്തെടുക്കുന്നതിൽ കെ.സിവൈ.എം വഹിച്ച പങ്ക് ചെറുതല്ല. ചുറ്റും കാണുന്ന പ്രശ്നങ്ങളിൽ ആർജ്ജവത്തോടെ ഇടപെടുകയും കരുത്തായി മാറുകയും ചെയ്യുന്നതിൽ കെ.സി.വൈ.എം എന്നും മുൻപന്തിയിലാണ് അദ്ദേഹം പറഞ്ഞു.
കെ.സി.ബി.സി യുവജന കമ്മീഷൻ ചെയർമാൻ അഭിവന്ദ്യ റൈറ്റ് റവ.ഡോ. ക്രിസ്തുദാസ് മുഖ്യപ്രഭാഷണം നടത്തി. ദിശ തെറ്റി അലയുന്നവരുടെ വഴിവിളക്കായി മാറണം കെ.സി.വൈ.എം യുവജനങ്ങൾ. ആത്മീയ വളർച്ചയ്ക്കുതകുന്ന കാര്യങ്ങൾ കെ.സി.വൈ.എം ന്റെ പ്രവർത്തനപദ്ധതികളിൽ ആസൂത്രണം ചെയ്യപ്പെടണമെന്നും അദ്ദേഹം അഭിപ്രായപ്പെട്ടു. മുൻ സംസ്ഥാന ജനറൽ സെക്രട്ടറി ശ്രീ.ക്രിസ്റ്റി ചക്കാലക്കൽ അംഗത്വ മാസാചരണം ഉദ്ഘാടനം ചെയ്തു. ജനറൽസെക്രട്ടറി ശ്രീ.ഷിജോ മാത്യു ഇടയാടിൽ, സംസ്ഥാന ഡയറക്ടർ ഫാ.സ്റ്റീഫൻ തോമസ് ചാലക്കര, അസിസ്റ്റൻറ് ഡയറക്ടർ സിസ്റ്റർ റോസ് മെറിൻ എസ്.ഡി എന്നിവർ സംസാരിച്ചു. 32 രൂപതകളിൽനിന്നായി 250-ലധികം യുവജനങ്ങൾ പങ്കെടുത്തു. വിവിധ രൂപതകൾ അവതരിപ്പിച്ച കലാപരിപാടികളും വിവിധ മത്സരങ്ങളുടെ ഫലപ്രഖ്യാപനവും നടന്നു. വൈസ് പ്രസിഡന്റുമാരായ റോഷ്ന മറിയം ഈപ്പൻ അഗസ്റ്റിൻ ജോൺ സെക്രട്ടറിമാർ റോസ് മേരി തേറുകാട്ടിൽ, ഫിലോമിന സിമി ഫെർണാണ്ടസ്, ഡെനിയ സിസി ജയൻ അജോയ് പി തോമസ്, ട്രഷറർ എബിൻ എന്നിവർ പരിപാടികൾക്ക് നേതൃത്വം നൽകി.
