കഴക്കൂട്ടം: കഴക്കൂട്ടം ഫെറോന സാമൂഹ്യ ശുശ്രൂഷ സമിതി വനിതാദിനാഘോഷം നടത്തി. ഫെറോന SHG പ്രസിഡന്റ് അധ്യക്ഷപദം അലങ്കരിച്ച ചടങ്ങ് സ്റ്റേറ്റ് ഇൻസ്റ്റിറ്റ്യൂട്ട് ഓഫ് അനിമൽ ഡിസീസസ് ഡിപ്പാർട്ട്മെന്റ് അസിസ്റ്റന്റ് ഡയറക്ടർ ഡോ. സ്മിത വിൽസൺ ഉദ്ഘാടനം ചെയ്തു. അതിരൂപത സാമൂഹ്യ ശുശ്രൂഷ ഡയറക്ടർ ഫാ. ആഷ്ലിൻ ജോസ് മുഖ്യപ്രഭാഷണവും, ഫെറോന വികാരി ഫാ. റോബിൻസൺ അനുഗ്രഹ പ്രഭാഷണവും നടത്തി. തദ്ദേശ സ്വയംഭരണ തെരഞ്ഞെടുപ്പിൽ ചെമ്പഴന്തി വാർഡ് കൗൺസിലറായി തിരഞ്ഞെടുക്കപ്പെട്ട ആകാശ പറവ സിയോൺ SHG-യിലെ ഷൈലജ വിജയൻ, മുരുക്കുംപുഴ കോഴിമട വാർഡ് കൗൺസിലർ മ്യൂരിയൽ ലീൻ എന്നിവർ ആശംസകളർപ്പിച്ച് സംസാരിച്ചു. വിവിധ മേഖലകളിൽ മികവു പുലർത്തിയ വനിതകളെയും മികച്ച പ്രവർത്തനം നടത്തിയ മൂന്ന് സ്വയം സഹായ സംഘങ്ങളെയും ചടങ്ങിൽ ആദരിച്ചു. തുടർന്ന് വനിതകൾ അവതരിപ്പിച്ച കലാപരിപാടികളും നടന്നു.
കഴക്കൂട്ടം ഫെറോന സാമൂഹ്യ ശുശ്രൂഷ സമിതി വനിതാദിനമാഘോഷിച്ചു
