പുല്ലുവിള ഫൊറോനാ അജപാലന ശുശ്രൂഷ സമിതി ക്രിസ്മസ് കരോൾ ഗാന മത്സരം സംഘടിപ്പിച്ചു

പൂവാർ: പുല്ലുവിള ഫൊറോനാ അജപാലന ശുശ്രൂഷ സമിതി ക്രിസ്മസ് കരോൾഗാന മത്സരം സംഘടിപ്പിച്ചു. ഡിസംബർ 15 ഞായറാഴ്ച പൂവാർ എസ് ബി ആഡിറ്റോറിയത്തിൽ വച്ചുനടന്ന പരിപാടിയിൽ ഫൊറോനയിലെ 14 ഇടവകകളിലെയും ടീമുകൾ പങ്കെടുത്തു. ശ്രീ ബെൻസിഗർ, ശ്രീ അലക്സ്, ശ്രീ ജോൺസൺ എന്നിവർ മത്സരങ്ങൾ വിലയിരുത്തി. ലൂർദുപുരം ഇടവക ഒന്നാം സ്ഥാനവും, പുതിയതുറ ഇടവക രണ്ടാം സ്ഥാനവും, പൂവാർ ഇടവക മൂന്നാം സ്ഥാനവും കരസ്ഥമാക്കി. ഒന്നാം സമ്മാനം 10000രൂപ, രണ്ടാം സമ്മാനം 5000 രൂപ, മൂന്നാം സമ്മാനം 3000 രൂപ, പ്രോത്സാഹന സമ്മാനമായി പങ്കെടുത്ത മെറ്റെല്ലാ ടീമുകൾക്കും 1000 രൂപാവീതം നൽകി. ഫൊറോന വികാരി ഫാ. ഡൈസൻ, ഫാ. പ്രദീപ് ജോസഫ്, ഫാ. ജോസഫ് ഭാസ്കർ എന്നിവർ സമ്മാനങ്ങൾ വിതരണം ചെയ്തു. ഫൊറോന ആനിമേറ്റർ മേരി ത്രേസ്യ മൊറൈസ്, അജപാലന ശുശ്രൂഷ സമതി അംഗങ്ങൾ പരിപാടിക്കാവശ്യമായ ക്രമീകരണങ്ങൾക്ക് നേതൃത്വം നൽകി