അഞ്ചുതെങ്ങ്: കെ.സി.വൈ.എം. അഞ്ചുതെങ്ങ് ഫെറോന സമിതിയുടെ ആഭിമുഖ്യത്തിൽ ഫൊറോനതല യുവജന ദിനാഘോഷം നടന്നു. ആഘോഷ പരിപാടികൾ അതിരൂപത ഡയറക്ടർ ഫാ. ഡാർവിൻ ഫെർണാണ്ടസ് ഉദ്ഘാടനം ചെയ്തു. ഫൊറോന പ്രസിഡന്റ് സാം സോളമൻ അധ്യക്ഷസ്ഥാനം വഹിച്ചു. ഫൊറോന ഡയറക്ടർ ഫാ. ഷിൻ അനുഗ്രഹ പ്രഭാഷണം നടത്തി.
കെ.സി.വൈ.എം. അഞ്ചുതെങ്ങ് ഫൊറോനയുടെ അടുത്ത ഒരു വർഷത്തെ കർമ്മപദ്ധതിയുടെ “Tempest 2k24 ” ഉദ്ഘാടനം രൂപത ഡയറക്ടർ നിർവഹിച്ചു. കെസിവൈഎം സംസ്ഥാന സെക്രട്ടറിയായ തിരഞ്ഞെടുക്കപ്പെട്ട മെറിനെയും, കെ.സി.വൈ.എം. പ്രസ്ഥാനത്തിൽ കഴിഞ്ഞ ഒരു പതിറ്റാണ്ടോളം സേവനമനുഷ്ഠിച്ച പ്രവർത്തിച്ചുവരുന്ന ഫൊറോനയിലെ ഇരുപതോളം യുവജനങ്ങളെയും സമ്മേളനത്തിൽ ആദരിച്ചു.
സിസ്റ്റർ ആനിമേറ്റർ സിസ്റ്റർ ലിയ, അഞ്ചുതെങ്ങ് ഇടവക സഹവികാരി , രൂപത ആനിമേറ്റർ ഗ്ലാഡിസ് ജെയിംസ്, സംസ്ഥാന സെക്രട്ടറി മെറിൻ എന്നിവർ പ്രസംഗിച്ചു. ഫൊറോനയിലെ 10 ഇടവകകളിൽ നിന്ന് 200 ഓളം യുവജനങ്ങൾ പങ്കെടുത്ത ആഘോഷ പരിപാടിയിൽ യുവജനങ്ങൾ അവതരിപ്പിച്ച കലാപരിപാടികൾ ശ്രദ്ധേയമായി.
