പേട്ട: പേട്ടഫെറോനാ വിദ്യാഭ്യാസ ശുശ്രൂഷ സമിതിയുടെ നേതൃത്വത്തിൽ ഏപ്രിൽ 6, 7 തിയതികളിൽ കരിയർ ഗൈഡൻസും യൂണിവേഴ്സിറ്റി എക്സ്പോയും നടക്കും. സെൻറ് ക്രിസ്റ്റഫർ ചർച്ച് ശ്രീകാര്യം പാരിഷ് ഹാളിൽ വച്ച് ഏപ്രിൽ ആറാം തീയതി രാവിലെ എട്ടു മുതൽ പന്ത്രണ്ടാം ക്ലാസ് വരെയുള്ള കുട്ടികൾക്ക് കരിയർ ഗൈഡൻസ് ക്ലാസും പ്ലസ് ടു, ഡിഗ്രി തലത്തിലുള്ള കുട്ടികൾക്ക് യൂണിവേഴ്സിറ്റി എക്സ്പോയും ഒരുക്കിയിരിക്കുന്നു.
ഏപ്രിൽ ഏഴാം തിയതി രാവിലെ എട്ടു മുതൽ മുട്ടട ഹോളിക്രോസ് എൽ. പി സ്കൂളിലാണ്‌ രാവിലെ എട്ടു മുതൽ പന്ത്രണ്ടാം ക്ലാസ് വരെയുള്ള കുട്ടികൾക്ക് കരിയർ ഗൈഡൻസ് ക്ലാസും പ്ലസ് ടു, ഡിഗ്രി തലത്തിലുള്ള കുട്ടികൾക്ക് യൂണിവേഴ്സിറ്റി എക്സ്പോയും നടക്കുക. വിദ്യാർഥികൾക്ക് അവരുടെ അഭിരുചിക്കനുസൃതമായ കോഴ്സുകൾ തിരഞ്ഞെടുക്കുന്നതിനും വിവിധ സ്കോളർഷിപ്പുകളെക്കുറിച്ച് അറിവ് പകരുന്നതിനും യൂണിവേഴ്സിറ്റി എക്സ്പോ സഹായിക്കും. വിവിധ യൂണിവേഴ്സിറ്റി പ്രതിനിധികൾ നേരിട്ട് പങ്കെടുക്കുന്ന എക്സ്പോയിൽ സ്പോട്ട് അഡ്മിഷനുള്ള സൗകര്യം ഒരുക്കിയിട്ടുണ്ട്. വിദേശ രാജ്യങ്ങളിലെ കോഴ്സുകൾ തിരഞ്ഞെടുക്കുന്നതിനും സൗകര്യമുണ്ട്. വിശദവിവരങ്ങൾക്ക്: 9544684501.
