അതിരൂപത സാമൂഹ്യ ശുശ്രൂഷ സമിതിയുടെ കാരുണ്യപൂർവ്വം വിഭാഗം ചൈൽഡ് പാർലമെൻറ് സെക്ഷനുകളിൽ നിന്നും വിദ്യാതിലകങ്ങളെ അനുമോദിച്ചു. എസ് എസ് എൽ സി, പ്ലസ് ടു ക്ലാസുകളിൽ ഉന്നത വിജയം നേടിയ കുട്ടികൾക്ക് അതിരൂപത സഹായ മെത്രാൻ ക്രിസ്തുദാസ് ആർ. മൊമന്റോ നൽകിയാണ് അനുമോദിച്ചത്.
കാരുണ്യപൂർവ്വം വിഭാഗം ചൈൽഡ് പാർലമെൻറ് സെക്ഷനുകളിൽ നിന്നുമെത്തിയ 60 കുട്ടികൾക്ക് പി. എസ്. സി വിഭാഗത്തിലെ സാധ്യതകളെ പറ്റി ശ്രീ. സുനിൽ ജോൺ, രൂപത ഇൻസ്റ്റിറ്റ്യൂഷനുകളെകുറിച്ച് ശ്രീ. ലവകുമാർ എന്നിവർ ക്ലാസുകളെടുത്തു.
ഇന്ന് വെള്ളയമ്പലം ടി എസ് എസ് എസ് ഹാളിൽ വച്ച് നടന്ന അനുമോദന പരിപാടി അതിരൂപത സഹായ മെത്രാൻ ക്രിസ്തുദാസ് ആർ. ഉത്ഘാടനം ചെയ്തു. അതിരൂപത സാമൂഹ്യ ശുശ്രൂഷ ഡയറക്ടർ ഫാ. ആഷ്‌ലിൻ ജോസ് അധ്യക്ഷത വഹിച്ച പരിപാടിയിൽ ശ്രീമതി തങ്കം ടൈറ്റസ്, ശ്രീമതി രമ്യ ജോസ്, ശ്രീമതി തങ്കമണി, ശ്രീമതി റീന എന്നിവർ സംസാരിച്ചു.
