തിരുവനന്തപുരം അതിരൂപത സാമൂഹിക ശുശ്രൂഷ സമിതിയും മീഡിയ കമ്മീഷനും സംയുക്തമായി സംഘടിപ്പിക്കുന്ന ഫോട്ടോഗ്രാഫി ക്യാമ്പിന് തുടക്കമായി.16-17 തിയതികളിലായി വെള്ളയമ്പലം ടി.എസ്. എസ്. എസ് ഹാളിൽ നടക്കുന്ന ക്യാമ്പിൽ വിവിധ മേഖലകളിൽ പ്രവർത്തന പരിചിതരായ പ്രമുഖർ ക്ലാസുകൾ കൈകാര്യം ചെയ്യുന്നു.
എളുപ്പത്തിൽ വ്യത്യസ്തവും സാമൂഹിക പ്രാധാന്യമുള്ളതുമായ ഫോട്ടോകൾ എടുക്കാൻ കുട്ടികളെ സജ്ജരാക്കുകയെന്നതാണ് ഈ ക്യാമ്പിലൂടെ ലക്ഷ്യമാക്കുന്നത്.തീരദേശത്തിടക്കിടെയുണ്ടാകുന്ന കടലാക്രമണ നാഷനഷ്ട്ടങ്ങളെയും ദുരിതാശ്വാസ ക്യാമ്പുകളിലെ ദുരവസ്ഥകളെയും എങ്ങനെ അർത്ഥവത്തായ രീതിയിൽ സാധാരണ മൊബൈൽ ക്യാമറകളിൽ ഒപ്പിയെടുക്കാമെന്നും ക്ലാസ്സിലൂടെ ശ്രീ. സജിത്ത് റെമഡി പങ്കുവച്ചു.ക്യാമ്പിന്റെ ഉദ്ഘാടനകർമ്മം ടി.എസ്. എസ്. എസ്. ഡയറക്ടർ ഫാ. ആഷ്‌ലിൻ ജോസ് നിർവഹിച്ചു.
