റിപ്പോർട്ടർ: ആൻ്റണി പുതിയതുറ
പുതിയതുറ സെന്റ് നിക്കോളാസ് സ്പോർട്സ് ആൻഡ് ആർട്സ് ക്ലബിലൂടെ (SNSAC) കളിച്ചു വളർന്ന സിജു സ്റ്റീഫൻ ഈ വരുന്ന സന്തോഷ് ട്രോഫി ടൂർണ്ണമെന്റിൽ കർണാടക സന്തോഷ് ട്രോഫി ടീമിൽ ഇടം നേടിയ തിരുവനന്തപുരം തീരദേശ മേഖലയുടെ രണ്ടു പുത്രന്മാരിൽ ഒരാളാണ്. പുതിയതുറക്കും, പുതിയതുറയുടെ കായിക മേഖലയ്ക്കും, സെന്റ് നിക്കോളാസ് സ്പോർട്സ് ആൻഡ് ആർട്സ് ക്ലബ്ബിനും (SNSAC), കോച്ച് വിപിൻ മരിയദാസിനും, കുടുംബത്തിനും സിജു സ്റ്റീഫന്റെ നേട്ടം അഭിമാനമായിരിക്കുകയാണ്.
സ്കൂൾ ലെവലിൽ നാഷണൽ ടീം ക്യാമ്പിൽ പങ്കെടുക്കാൻ അവസരം ലഭിച്ച ഒരു ഫുട്ബോളറാണ് സിജു സ്റ്റീഫൻ. കേരള യുണൈറ്റഡിന്റെ താരമായിരുന്ന ഇദ്ദേഹം ഇപ്പോൾ ബാംഗ്ലൂർ കിക് സ്റ്റാർട്ടിനുവേണ്ടിയാണ് ബൂട്ടണിയുന്നത്. പുതിയതുറ SNSAC യുടെ ആദ്യകാല ഫുട്ബോളറായിരുന്ന സ്റ്റീഫൻ മറിയം ദമ്പതികളുടെ മൂന്നാമത്തെ മകനാണ് സിജു സ്റ്റീഫനെന്ന ഫുട്ബോളർ. സിസിൽ സ്റ്റീഫൻ, സിജോ സ്റ്റീഫൻ, സിജില സ്റ്റീഫൻ എന്നിവരാണ് സഹോദരങ്ങൾ.
